ആന്റിന വിറപ്പിച്ച് വിറപ്പിച്ച്

ക്ലോസറ്റിന്‍ വക്കത്തിരുന്ന്

ഏത് മഹത് സന്ദേശമാണ്

നീ കൈമാറുന്നത്?

പരിണാമമില്ലെന്നതാണോ?

പരിവര്‍ത്തനത്തിന്റെ മിഥ്യയോ?

അത്ഭുതപ്പെട്ടു ഞാന്‍ നില്‍ക്കെ

പറന്നെന്റെ തോളില്‍ പതിക്കേ

അലറിവിളിച്ചു ഞാനെന്തേ?

അറിയില്ലൊരാജന്മപ്രശ്നം?

ഹിറ്റിന്റെ കുപ്പി കൈ തേടി

ഹിറ്റായ കൊലചീറ്റലാണ്

ഒറ്റയടിക്കെന്റെ ചിന്ത

മാറ്റമില്ലാത്തതിനെ മാറ്റി

പരീക്ഷണ റ്റേബിളായാലും

പരാജയച്ചിറകേറുകില്ല

പരേത നിലയിലാകില്ല

തിന്നു ഞാൻ തിന്മയെ തീർക്കും.