മെല്ബണ്: ആദ്യ ഫസ്റ്റ് ക്ലാസ് സെഞ്ചുറി നഷ്ടമായതിന് ബാറ്റ് വലിച്ചെറിഞ്ഞ് കലിപ്പ് തീര്ത്ത് മിച്ചല് സ്റ്റാര്ക്ക്. സ്റ്റാര്ക്ക് 86 റണ്സില് നില്ക്കെ ക്യാപ്റ്റന് ഇന്നിങ്സ് ഡിക്ലയര് ചെയ്തതോടെയാണ് താരത്തിന്റെ സെഞ്ചുറി സ്വപ്നം അകന്ന് പോയത്.
താസ്മാനിയക്ക് എതിരായ കളിയിലാണ് ന്യൂ സൗത്ത് വെയ്ല്സ് താരമായ മിച്ചല് സ്റ്റാര്ക്ക് സെഞ്ചുറിയോട് അടുത്തത്. ചതുര്ദിന മത്സരത്തിന്റെ മൂന്നാം ദിനം ആറ് വിക്കറ്റ് നഷ്ടത്തില് 522 റണ്സില് നില്ക്കെയാണ് ന്യൂസൗത്ത് വെയില്സ് നായകന് ഇന്നിങ്സ് ഡിക്ലയര് ചെയ്തത്. ഈ സമയം അവര്ക്ക് 347 റണ്സിന്റെ ലീഡ് ഉണ്ടായിരുന്നു.
ഡഗൗട്ടില് എത്തിയതിന് പിന്നാലെ ബാറ്റും, ഗ്ലൗസും സ്റ്റാര്ക്ക് ദേഷ്യത്തോടെ വലിച്ചെറിയുന്ന വീഡിയോ ക്രിക്കറ്റ് ഓസ്ട്രേലിയ തന്നെയാണ് പങ്കുവെക്കുന്നത്. നെവില് ആണ് ന്യൂസൗത്ത് വെയില്സ് ക്യാപ്റ്റന്. കളിയില് സ്റ്റാര്ക്കിന്റെ ടീം 145 റണ്സിന് ജയം പിടിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates