സിഡ്‌നി: ഇന്ത്യയുടെ യുവ ഓപ്പണര്‍ അഭിഷേക് ശര്‍മയെ പുകഴ്ത്തി ഓസ്ട്രേലിയന്‍ സ്പിന്നര്‍ മാറ്റ് കുഹ്നെമാന്‍. അഭിഷേക് ഒരു ബാറ്റിങ് പ്രതിഭയാണെന്നും ഇന്നിങ്‌സിന്റെ പന്തില്‍ തന്നെ വലിയ ഷോട്ടുകള്‍ കളിക്കുന്നുവെന്നും അദ്ദേഹം പറഞ്ഞു. ഓസിസിനെതിരെ മെല്‍ബണില്‍ നടന്ന മത്സരത്തെ കുറിച്ചാണ് മാറ്റ് കുഹ്നെമാന്‍ പറഞ്ഞത്.

ഒരുവശത്ത് ഇന്ത്യന്‍ വിക്കറ്റുകള്‍ വീഴുമ്പോഴും അഭിഷേക് 37 പന്തില്‍ 68 റണ്‍സ് നേടി. അഞ്ച് മത്സരങ്ങളുള്ള പരമ്പര 1-1 എന്ന നിലയില്‍ സമനിലയിലാണ്. ശേഷിക്കുന്ന രണ്ട് മത്സരങ്ങളില്‍ അഭിഷേകിന്റെ പങ്ക് ഏറെക്കുറെ നിര്‍ണ്ണായകമാണെന്നും അദ്ദേഹം പറഞ്ഞു.

യുഎഇയില്‍ നടന്ന ഏഷ്യാ കപ്പില്‍ അദ്ദേഹം ടൂര്‍ണമെന്റിന്റെ താരമായി തെരഞ്ഞെടുക്കപ്പെട്ടപ്പോള്‍, മെല്‍ബണില്‍ നടന്ന രണ്ടാം മത്സരത്തില്‍ അഭിഷേക് യഥാര്‍ത്ഥ ധൈര്യം കാണിച്ചു. 'അതെ, അവര്‍(ഇന്ത്യ) കളിക്കുന്ന രീതിയും ഞങ്ങള്‍(ഓസ്‌ട്രേലിയ) കളിക്കുന്ന രീതിയും സമാനമാണെന്ന് ഞാന്‍ കരുതുന്നു. അതെ, വളരെ സ്‌ഫോടനാത്മകമാണ്. ഇപ്പോള്‍ ആദ്യ പന്ത് മുതല്‍ കളി വേഗത്തില്‍ മാറിക്കൊണ്ടിരിക്കുകയാണെന്ന് കരുതുന്നു'. മധ്യനിരയില്‍ രണ്ട് ടീമുകള്‍ക്കും വിക്കറ്റ് വീഴ്ത്തുന്നത് നിര്‍ണായകമാണെന്ന് ഞാന്‍ കരുതുന്നു'

'അടുത്ത രണ്ട് മത്സരങ്ങളില്‍ ഒരു താരത്തില്‍ നിന്ന് ഒരു മികച്ച പ്രകടനം ഉണ്ടായാല്‍ ഐപിഎല്ലിന്റെ വാതില്‍ തുറക്കാം. , ഒരു സ്ലോ ലെഫ്റ്റ് ആം ബൗളര്‍ക്ക് നല്ല കരാര്‍ ലഭിക്കുന്നത് ഒരു നല്ല കാര്യമാണ് കുഹ്നെമാന്‍ പറഞ്ഞു. എനിക്ക് ഐപിഎല്‍ കളിക്കാന്‍ ഇഷ്ടമാണ്. ഒരു സ്പിന്നര്‍ എന്ന നിലയില്‍ ഒരു നേട്ടം കൈവരിക്കുക എന്നത് വളരെ ബുദ്ധിമുട്ടാണ്. അതുകൊണ്ട്, ഞാന്‍ അതിനെക്കുറിച്ച് അധികം ചിന്തിക്കുന്നില്ല. ക്രിക്കറ്റ് കളിക്കുന്നത് എനിക്ക് ഇഷ്ടമാണ്, അത് ഇംഗ്ലണ്ടിലോ ഇന്ത്യയിലോ ആണെങ്കിലും ഇഷ്ടമാണ് അദ്ദേഹം പറഞ്ഞു.