ബർമിങ്ഹാം: പുരുഷ ടേബിൾ ടെന്നീസ് സിം​ഗിൾസ് ഫൈനലിൽ അചന്ത ശരത് കമാൽ സ്വർണം നേടി. ഇംഗ്ലണ്ടിന്റെ ലിയാം പിച്ച്‌ഫോർഡിനെ 4-1ന് തോൽപ്പിച്ചാണ് ശരത് കമാൽ സ്വർണം നേടിയത്. ഈ വർഷത്തെ കോമൺവെൽത്ത് ​ഗെയിംസിൽ ശരത് കമാലിന്റെ നാലാം മെഡലാണിത്. നേരത്തെ പുരുഷ ടീം, മിക്‌സഡ് ടീം മത്സരങ്ങളിൽ ശരത് സ്വർണം നേടിയിരുന്നു. പുരുഷന്മാരുടെ ഡബിൾസിൽ വെള്ളിയും. 

പുരുഷ വിഭാഗം സിംഗിൾസിൽ ഇന്ത്യക്ക് തന്നെയാണ് വെങ്കലവും. മൂന്നാം സ്ഥാനത്തിനായുള്ള മത്സരത്തിൽ ഇംഗ്ലണ്ടിന്റെ പോൾ ഡ്രിങ്ക്ഹാളിനെ തകർത്ത് ഇന്ത്യയുടെ സത്തിയൻ ജ്ഞാനശേഖരൻ വെങ്കലം നേടി. ഏഴ് ഗെയിം നീണ്ട പോരാട്ടത്തിനൊടുവിലാണ് സത്തിയൻ ജയിച്ചത്. സ്‌കോർ: 11-9, 11-3, 11-5, 8-11, 9-11,10-12, 11-9.

ഈ വാർത്ത കൂടി വായിക്കൂ

കോമൺവെൽത്ത് ഗെയിംസ് സമാപനം: ശരത് കമാലും നിഖാത്ത് സരിനും ഇന്ത്യൻ പതാകയേന്തും

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ