മാഡ്രിഡ്: സ്പാനിഷ് ലാലിഗയില് അത്ലറ്റിക്കോ മാഡ്രിഡ്, സെവിയ ടീമുകള്ക്ക് സീസണിലെ ആദ്യ പോരില് തന്നെ തോല്വി. സെവിയ ത്രില്ലര് പോരില് അത്ലറ്റിക്ക് ബില്ബാവോയോടു പരാജയപ്പെട്ടു. അത്ലറ്റിക്കോ മാഡ്രിഡിനെ എസ്പാന്യോള് സ്വന്തം തട്ടകത്തില് അട്ടിമറിച്ചു. മറ്റൊരു മത്സരത്തില് ഗെറ്റാഫെ എവേ പോരാട്ടത്തില് സെല്റ്റ വിഗോയെ 0-2നു പരാജയപ്പെടുത്തി.
ഒരു ഗോളിനു മുന്നില് നിന്ന ശേഷമാണ് അത്ലറ്റിക്കോ മാഡ്രിഡ് രണ്ട് ഗോള് വഴങ്ങി തോല്വിയിലേക്ക് വീണത്. അവസാ 20 മിനിറ്റിനിടെ അവര്ക്ക് രണ്ട് ഗോളുകള് വഴങ്ങേണ്ടി വന്നു. ഡിഗോ സിമിയോണി ഇത് 14ാം വര്ഷമാണ് അത്ലറ്റിക്കോയുടെ പരിശീലകനായി തുടരുന്നത്. ആദ്യമായാണ് അദ്ദേഹത്തിനു കീഴില് ടീം സീസണിലെ ആദ്യ മത്സരം തോല്ക്കുന്നത്. 2009ലാണ് അത്ലറ്റിക്കോ അവസാനമായി ലീഗിലെ ആദ്യ പോരാട്ടം തോറ്റത്.
കളിയുടെ 37ാം മിനിറ്റില് ജൂലിയന് അല്വാരസാണ് അത്ലറ്റിക്ക് ലീഡ് സമ്മാനിച്ചത്. എന്നാല് 73ാം മിനിറ്റില് മിഗ്വേല് റുബിയോ, 84ാം മിനിറ്റില് പെരെ മില്ല എന്നിവര് എസ്പാന്യോളിനായി വല ചലിപ്പിച്ചു.
സെവിയയെ അത്ലറ്റിക്ക് ക്ലബ് സ്വന്തം തട്ടകത്തില് 3-2നു വീഴ്ത്തി. 5 ഗോളുകള് കണ്ട ത്രില്ലര് പോരാട്ടത്തില് സെവിയ രണ്ട് ഗോളിനു പിന്നിലായി, രണ്ട് ഗോള് മടക്കി ശക്തമായി തിരിച്ചെത്തിയിരുന്നു. എന്നാല് അവസാന ഘട്ടത്തില് അത്ലറ്റിക്ക് ടീം ഒരു ഗോള് കൂടി നേടി വിജയം ഭദ്രമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates