മാഡ്രിഡ്: ഗെറ്റാഫയെ മറുപടിയില്ലാത്ത 5 ഗോളുകള്ക്ക് തകര്ത്തെറിഞ്ഞ് അത്ലറ്റിക്കോ മാഡ്രിഡ് സ്പാനിഷ് കപ്പ് (കോപ ഡെല് റേ) സെമിയിലേക്ക് മുന്നേറി. പരിശീലകന് ഡീഗോ സിമിയോണിയുടെ മകന് ഗ്വിലിയാനോ സിമിയോണി ഇരട്ട ഗോളുകളുമായി കളം വാണു. സാമുവല് ലിനോ, ആന്ജല് കൊരേയ, അലക്സാണ്ടര് സൊര്ലോത് എന്നിവരും അത്ലറ്റിക്കായി വല ചലിപ്പിച്ചു.
ആദ്യ പകുതിയില് മൂന്നും രണ്ടാം പകുതിയില് രണ്ടും ഗോളുകള് ടീം, ഗെറ്റാഫെ വലയിലിട്ടു. കളിയുടെ 8ാം മിനിറ്റില് ഗ്വിലിയാനോയാണ് ഗോള് വേട്ടയ്ക്ക് തുടക്കമിട്ടത്. പിന്നാലെ 17ാം മിനിറ്റില് താരം തന്നെ രണ്ടാം ഗോളും നേടി. ലിനോയുടെ ഗോള് 42ാം മിനിറ്റിലാണ് വന്നത്.
രണ്ടാം പകുതി തുടങ്ങി 78ാം മിനിറ്റില് കൊരേയ നാലാം ഗോള് സമ്മാനിച്ചു. 86ാം മിനിറ്റില് സൊര്ലോത് അഞ്ചാം ഗോളും നേടി ഗെറ്റാഫെ തകര്ച്ച പൂര്ണമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates