ദുബായ്: ഇന്ത്യന്‍ നായകന്‍ വിരാട് കോഹ് ലിയുടെ ട്വന്റി20 റെക്കോര്‍ഡ് മറികടന്ന് പാകിസ്ഥാന് ക്യാപ്റ്റന്‍ ബാബര്‍ അസം. ക്യാപ്റ്റന്‍ എന്ന നിലയില്‍ ട്വന്റി20യില്‍ ബാബര്‍ 1000 റണ്‍സ് പിന്നിട്ടു. കോഹ് ലിയേക്കാള്‍ വേഗത്തില്‍ ഇവിടെ 1000 തൊടുകയാണ് ബാബര്‍.
പാകിസ്ഥാനെ ട്വന്റി20യില്‍ നയിച്ച 26 ഇന്നിങ്‌സില്‍ നിന്നാണ് ബാബര്‍ 1000 റണ്‍സ് കണ്ടെത്തിയത്. ട്വന്റി20യില്‍ ഇന്ത്യന്‍ ക്യാപ്റ്റന്റെ സ്ഥാനത്ത് നിന്ന് 30 ഇന്നിങ്‌സുകള്‍ ആണ് കോഹ് ലിക്ക് 1000 റണ്‍സ് കണ്ടെത്താനായി വേണ്ടിവന്നത്.
31 ഇന്നിങ്‌സില്‍ നിന്ന് ക്യാപ്റ്റനായി ട്വന്റി20യില്‍ 1000 റണ്‍സ് കണ്ടെത്തിയ സൗത്ത് ആഫ്രിക്കയുടെ ഡുപ്ലസിസ് ആണ് മൂന്നാം സ്ഥാനത്ത്. നാലാമത് 32 ഇന്നിങ്‌സില്‍ നിന്ന് ഈ നേട്ടത്തിലേക്ക് എത്തിയ ആരോണ്‍ ഫിഞ്ചും. 36 ഇന്നിങ്‌സില്‍ നിന്നാണ് കെയ്ന്‍ വില്യംസണ്‍ 36 റണ്‍സ് കണ്ടെത്തിയത്.
ട്വന്റി20 ലോകകപ്പില്‍ പാകിസ്ഥാന് മൂന്നാം ജയം
ട്വന്റി20 ലോകകപ്പിലെ തുടര്‍ച്ചയായ മൂന്നാം ജയത്തിലേക്കാണ് പാകിസ്ഥാന് എത്തിയത്. അഫ്ഗാനിസ്ഥാന് എതിരെ മുഹമ്മദ് റിസ്വാനെ തുടക്കത്തിലെ നഷ്ടമായെങ്കിലും ബാബറും ഫഖറും ചേര്‍ന്ന് പാകിസ്ഥാന് ചെയ്‌സിങ്ങിന് അടിത്തറയിട്ടു. 19ാം ഓവറില്‍ തുടരെ സിക്‌സ് പറത്തി ആസിഫ് ഒരോവര്‍ ബാക്കി നില്‍ക്കെ പാകിസ്ഥാനെ ലക്ഷ്യത്തിലെത്തിച്ചു.
47 പന്തില്‍ നിന്ന് ബാബര്‍ അസം 51 റണ്‍സ് നേടി. അഫ്ഗാനിസ്ഥാന് എതിരായ ജയത്തോടെ ലോകകപ്പ് സെമി പാകിസ്ഥാന് ഉറപ്പിക്കുകയാണ്. ഇനി രണ്ട് മത്സരങ്ങള്‍ കൂടിയാണ് പാകിസ്ഥാന് ഇനി ബാക്കിയുള്ളത്. നമീബിയയും സ്‌കോട്‌ലാന്‍ഡും ആണ് പാകിസ്ഥാന്റെ എതിരാളികള്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates