മുംബൈ: ഐപിഎൽ പ്ലേ ഓഫ് നിലനിർത്താൻ വിരാട് കൊഹ്‌ലിയുടെ ബാംഗ്ലൂരുവും രോ​ഹിത് ശർമയുടെ മുംബൈയും ഇന്ന് കളത്തിലിറങ്ങുകയാണ്. അതിനിടെ വാംഖഡേയിൽ ബാംഗ്ലൂരിന്റെ പരിശീലനത്തിനിടെ നടന്നൊരു സംഭവമാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. പരിശീലനം കഴിഞ്ഞ് മടങ്ങുകയായിരുന്ന വിരാട് കൊഹ്‌ലിയോട് ഒരു ബോൾ ബോയ് ബാറ്റ് നൽകാമോ എന്ന് ചോദിച്ചു.

ചിരിച്ച് കൊണ്ട് ടീം സ്റ്റാഫുകളിൽ ഒരാളോട് താൻ സൈൻ ചെയ്‌ത തന്റെ ഒരു ബാറ്റ് ബോൾബോയ്‌ക്ക് നൽകാൻ ആവശ്യപ്പെട്ടു. വിരാട് കോഹ്‍ലിയുടെ ട്വിറ്റർ ഫാൻ പേജിലൂടെയാണ് വിഡിയോ പോസ്റ്റ് ചെയ്‌തിരിക്കുന്നത്. വിഡിയോ വൈറലായതിന് പിന്നാലെ നിരവധി ആളുകളാണ് പ്രതികരിച്ച് രംഗത്തെത്തിയത്.

ഇന്നത്തെ കളി ഇരുടീമുകൾക്കും നിർണായകമാണ്. പോയിന്റ് പട്ടികയിൽ പത്ത് പോയിന്റ് വീതമാണ് ഇരുടീമികൾക്കും. ജയിക്കുന്ന ടീം പോയിന്റ് പട്ടികയിൽ മൂന്നാം സ്ഥനത്തേയ്ക്ക് കയറും. 

ഈ വാർത്ത കൂടി വായിക്കൂ

'വാർത്തകൾ അടിസ്ഥാനരഹിതം, മെസി ഒരു ക്ലബുമായും കരാറിൽ ഒപ്പിട്ടിട്ടില്ല'; ജോര്‍ഗെ മെസി

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ