ധാക്ക: ബം​ഗ്ലാദേശ് വനിതാ ടീമിനെതിരായ ടി20 പോരാട്ടം തുടങ്ങാൻ മണിക്കൂറുകൾ മാത്രം. മലയാളി താരം മിന്നു മണി ചരിത്രമെഴുതി അന്തിമ ഇലവനിൽ ഉൾപ്പെടുമോ എന്ന ആകാംക്ഷയിലാണ് കേരളം. മൂന്ന് മത്സരങ്ങളടങ്ങിയ ടി20 പരമ്പരയിലെ ആദ്യ പോരാട്ടമാണിന്ന്. മിർപുരിലാണ് മത്സരം. 

ചരിത്രമെഴുതിയാണ് വയനാടുകാരിയായ മിന്നു ബം​ഗ്ലാദേശ് പര്യടനത്തിനുള്ള ഇന്ത്യൻ ടീമിൽ ഇടംപിടിച്ചത്. ഇന്ത്യൻ വനിതാ ടീമിൽ ഇടം കണ്ടെത്തിയ ആദ്യ മലയാളി താരമെന്ന ഒരിക്കലും മായാത്ത റെക്കോർഡ് സ്ഥാപിച്ചാണ് ഓൾ റൗണ്ടറായ മിന്നു ടി20 ടീമിൽ ഇടംപിടിച്ചത്. വനിതാ ഐപിഎൽ കളിക്കുന്ന ആദ്യ വനിതാ താരമെന്ന റെക്കോർഡും മാസങ്ങൾക്ക് മുൻപ് ഡൽഹി ക്യാപിറ്റൽസിനായി കളത്തിലിറങ്ങി മിന്നു സ്ഥാപിച്ചിരുന്നു. 

ഇടം കൈ ബാറ്ററും വലം കൈ സ്പിന്നറുമാണ് മിന്നു. ടീമിലെ പ്രധാന ഓൾറൗണ്ടർമാരിൽ ഒരാളും താരം തന്നെ. ഹർമൻപ്രീത് കൗർ നയിക്കുന്ന ടീമിൽ മിന്നു മണിക്ക് പുറമേ, വിക്കറ്റ് കീപ്പർ ഉമ ഛേത്രി, ബൗളർമാരായ അനുഷ റെഡ്ഢി, റാഷി കനോജിയ എന്നീ പുതുമുഖങ്ങളെയും ഉൾപ്പെടുത്തിയിട്ടുണ്ട്.

ഈ വാര്‍ത്ത കൂടി വായിക്കൂ 

ഗുര്‍ബാസ്- സാദ്രാന്‍ സഖ്യം 256 റണ്‍സ്; റെക്കോര്‍ഡ് തിളക്കം, ബംഗ്ലാദേശിനെ തകര്‍ത്തെറിഞ്ഞ് അഫ്ഗാന്‍; പുതു ചരിത്രം

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ