റാഞ്ചി: ഗ്രൗണ്ടിലെ പച്ചപ്പുല്ലില്‍ നിന്ന് പാടത്തേക്ക് ഇറങ്ങിയ ഇന്ത്യന്‍ മുന്‍ നായകന്‍ എംഎസ് ധോനി വിളവെടുക്കുന്നു. ദുബായിലേക്കാണ് ധോനി തന്റെ കൃഷി ഇടത്തില്‍ നിന്നുള്ള വസ്തുക്കള്‍ കയറ്റുമതി ചെയ്യാന്‍ പോകുന്നത്.
ധോനിയുടെ റാഞ്ചിയിലെ ഫാം ഹൗസിലെ കൃഷി ഇടത്തില്‍വ നിന്നുള്ള പച്ചക്കറികള്‍ കയറ്റി അയക്കുന്നതിനുള്ള അന്തിമ ഒരുക്കത്തിലാണ്. ജാര്‍ഖണ്ഡിലെ കൃഷി വകുപ്പിനാണ് ധോനിയുടെ ഫാം ഹൗസില്‍ നിന്നുള്ള ഉത്പന്നങ്ങള്‍ യുഎഇയിലേക്ക് എത്തിക്കുന്നതിനുള്ള ഉത്തരവാദിത്വം.
യുഎഇയില്‍ വില്‍പ്പന നടത്തേണ്ട ഏജന്‍സികളേയും കണ്ടെത്തിയിട്ടുണ്ട്. റാഞ്ചിയിലെ സെബോ ഗ്രാമത്തിലെ റിങ് റോഡിലാണ് ധോനിയുടെ ഫാം ഹൗസ്. സ്‌ട്രോബറീസ്, കാബേജ്, തക്കാളി, ബ്രൊക്കോലി, പയര്‍, പപ്പായ ഉള്‍പ്പെടെയുള്ളവയാണ് ധോനി കൃഷി ചെയ്യുന്നത്.
10 ഏക്കറിലായാണ് പച്ചക്കറി കൃഷി. 43 ഏക്കറിലാണ് ധോനിയുടെ ഫാം ഹൗസ്. ധോനിയുടെ കൃഷി ഇടത്തില്‍ നിന്നുള്ള പച്ചക്കറികള്‍ക്ക് റാഞ്ചിയിലും വലിയ ഡിമാന്റ് ആണ്. കളിയിലേക്ക് വരുമ്പോള്‍ ഐപിഎല്‍ 2021 സീസണ്‍ ആണ് ഇനി ധോനിക്ക് മുന്‍പിലുള്ളത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates