ലണ്ടന്‍: പരിശീലകനെ മാറ്റി എവേ പോരിനെത്തിയ നോട്ടിങ്ഹാം ഫോറസ്റ്റിനെ തകര്‍ത്ത് സ്വന്തം തട്ടകമായ എമിറേറ്റ്‌സ് സ്റ്റഡിയത്തില്‍ ജയ വഴിയിലെത്തി ആഴ്‌സണല്‍. മറുപടിയില്ലാത്ത 3 ഗോളുകള്‍ക്കാണ് ഗണ്ണേഴ്‌സ് ജയിച്ചത്. ജയത്തോടെ അവര്‍ ഇംഗ്ലീഷ് പ്രീമിയര്‍ ലീഗിന്റെ തലപ്പത്തെത്തി.
കഴിഞ്ഞ കളിയില്‍ ഗണ്ണേഴ്‌സ് ലിവര്‍പൂളിനോടു പരാജയപ്പെട്ടിരുന്നു. നാല് കളിയില്‍ മൂന്നാം ജയമാണ് ആഴ്‌സണല്‍ സ്വന്തം തട്ടകത്തില്‍ ഇന്ന് നേടിയത്.
മാര്‍ട്ടിന്‍ സുബിമെന്റിയുടെ ഇരട്ട ഗോള്‍ മികവിലാണ് ആഴ്‌സണല്‍ ജയം പിടിച്ചത്. ആദ്യ പകുതിയില്‍ ഒരു ഗോളും രണ്ടാം പകുതിയില്‍ രണ്ട് ഗോളുമാണ് പീരങ്കിപ്പട ഫോറസ്റ്റ് വലയില്‍ നിക്ഷേപിച്ചത്. ശേഷിച്ച ഗോള്‍ വിക്ടര്‍ ഗ്യോകേഴ്‌സ് സ്വന്തമാക്കി.
ന്യൂനോ എസ്പിരിറ്റോ സാന്റോയെ പുറത്താക്കി മുന്‍ ടോട്ടനം പരിശീലകന്‍ പോസ്റ്റഗോഗ്ലുവിനെ ഡഗൗട്ടിലെത്തിച്ചാണ് ഫോറസ്റ്റ് കളിക്കാനെത്തിയത്. എന്നാല്‍ അദ്ദേഹത്തിന്റെ തന്ത്രം ഫലിച്ചില്ല.
കളി തുടങ്ങി 32ാം മിനിറ്റിലാണ് സുബിമെന്‍ഡിയിലൂടെ ആഴ്‌സണല്‍ ലീഡെടുത്തത്. രണ്ടാം ഗോള്‍ 46ാം മിനിറ്റില്‍ ഗ്യോകേഴ്‌സ് നേടി. 79ല്‍ സുബിമെന്‍ഡി രണ്ടാം ഗോളും ടീമിന്റെ മൂന്നാം ഗോളും ഉറപ്പാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates