Faf du Plessis x
Sports

'ഇക്കുറി ഐപിഎൽ കളിക്കുന്നില്ല; പിഎസ്എൽ കളിക്കും'- പ്രഖ്യാപിച്ച് ഇതിഹാസം

'എന്റെ ഹൃദയത്തിൽ ഇന്ത്യയ്ക്കു പ്രത്യേക സ്ഥാനം'

സമകാലിക മലയാളം ഡെസ്ക്

ന്യൂഡൽഹി: അടുത്ത സീസണിൽ ഐപിഎൽ കളിക്കാനില്ലെന്നു പ്രഖ്യാപിച്ച് മുൻ ദക്ഷിണാഫ്രിക്കൻ ക്യാപ്റ്റൻ ഫാഫ് ഡുപ്ലെസി. അടുത്ത മാസം നടക്കുന്ന താര ലേലത്തിൽ നിന്നു വിട്ടു നിൽക്കുമെന്നും അദ്ദേഹം വ്യക്തമാക്കി. അതേസമയം താൻ പാകിസ്ഥാൻ സൂപ്പർ ലീ​ഗിൽ കളിക്കുമെന്നും താരം പ്രഖ്യാപിച്ചു.

ഐപിഎല്ലിലെ 14 സീസണുകൾക്കു ശേഷം ഈ വർഷത്തെ താര ലേലത്തിൽ എന്റെ പേര് നൽകേണ്ടെന്നു ഞാൻ തീരുമാനിച്ചു. ഈ ലീ​ഗ് എന്റെ യാത്രയുടെ വലിയ ഭാ​ഗമാണ്. ലോകോത്തര താരങ്ങൾക്കൊപ്പം മികച്ച ഫ്രാഞ്ചൈസികൾക്കു വേണ്ടി കളിക്കാൻ എനിക്കു ഭാ​ഗ്യമുണ്ടായി.

14 വർഷം എന്നത് വലിയ കാലമാണ്. ഈ അധ്യായം എനിക്കു എത്രമാത്രം വിലപ്പെട്ടതായിരുന്നു എന്നതിൽ ഞാൻ അഭിമാനിക്കുന്നു. എന്റെ ഹൃദയത്തിൽ ഇന്ത്യയ്ക്കു പ്രത്യേക സ്ഥാനമുണ്ട്. ഇതൊരിക്കലും ഒരു വിടവാങ്ങലല്ല. നിങ്ങൾ എന്നെ വീണ്ടും കാണും. ഈ വർഷം പുതിയ വെല്ലുവിളി എറ്റെടുക്കാനാണ് തീരുമാനം. വരുന്ന പിഎസ്എൽ സീസണിൽ കളിക്കാൻ തീരുമാനിച്ചു- ഡുപ്ലെസി വ്യക്തമാക്കി.

2011ൽ ചെന്നൈ സൂപ്പർ കിങ്സിലൂടെയാണ് ഡുപ്ലെസി ഐപിഎല്ലിൽ എത്തിയത്. 2016, 2017 വർഷങ്ങളിൽ റൈസിങ് പുനെ സൂപ്പർ ജയന്റ്സിൽ കളിച്ചു. പിന്നീട് വീണ്ടും ചെന്നൈ ടീമിൽ തന്നെ തിരിച്ചെത്തി. 2021വരെ താരം സിഎസ്കെയിൽ തുടർന്നു. 2022ൽ റോയൽ ചലഞ്ചേഴ്സ് ബം​ഗളൂരു ടീമിലെത്തി. 2024ൽ താരത്തെ ഡൽഹി ക്യാപിറ്റൽസ് ടീമിലെത്തിച്ചു. എന്നാൽ ഇത്തവണ ടീം അദ്ദേഹത്തെ നിലനിർത്തിയില്ല.

Faf du Plessis has pulled out of the IPL 2026 auction as he eyes a fresh new challenge in the Pakistan Super League.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

കാനത്തില്‍ ജമീല എംഎല്‍എ അന്തരിച്ചു

രണ്ടാഴ്ചയ്ക്കുള്ളില്‍ ശബരിമലയില്‍ എത്തിയത് 12 ലക്ഷം തീര്‍ഥാടകര്‍; അന്തര്‍സംസ്ഥാന സര്‍വീസുകള്‍ വിപുലീകരിച്ച് കെഎസ്ആര്‍ടിസി

'അന്ത്യാഭിവാദ്യങ്ങള്‍ സഖാവേ'; കാനത്തില്‍ ജമീലയെ അനുസ്മരിച്ച് മുഖ്യമന്ത്രി

യുഡിഎഫ് സ്ഥാനാര്‍ഥിയുടെ മേല്‍ കരി ഓയില്‍ ഒഴിച്ചു; ബൈക്കിലെത്തിയ സംഘത്തിനായി അന്വേഷണം

കരിങ്കടലിൽ റഷ്യൻ ഓയിൽ ടാങ്കറുകൾക്ക് നേരെ യുക്രൈൻ ഡ്രോൺ ആക്രമണം; തീപിടിച്ചു (വിഡിയോ)

SCROLL FOR NEXT