പനാജി: ഐഎസ്എല്ലിൽ തുടർച്ചയായ രണ്ടാം തോൽവി വഴങ്ങി കേരള ബ്ലാസ്റ്റേഴ്സ്. ഇന്ന് എഫ് സി ​ഗോവയ്ക്കെതിരെ നടന്ന മത്സരത്തിൽ 3-1നാണ് മഞ്ഞപ്പട തോറ്റത്. 50-ാം മിനിറ്റിൽ ദിമിത്രിയോസ് ദയമാന്റകോസി മാത്രമാണ് ബ്ലാസ്റ്റേഴ്സിനായി ​ഗോൾ വല കുലുക്കിയത്. 

35ാം മിനിറ്റിൽ ഐകർ ഗ്വാരക്സേനയുടെ പെനാൽറ്റിയിലൂടെ ഗോവ അക്കൗണ്ട് തുറന്നു. എട്ട് മിനിറ്റിന് ശേഷം നോഹ സദൗഇയും ​ഗോൾ നേടി. ഇതോടെ ആദ്യ പകുതിയിൽ തന്നെ ​ഗോവ ആധിപത്യം ഉറപ്പിച്ചു. രണ്ടാം പകുതിയിൽ കേരളം ഒരു ​ഗോൾ നേടിയെങ്കിലും 68-ാം മിനിറ്റിൽ ബ്രാൻഡൻ ഫെർണാണ്ടസിന്റെ അസിസ്റ്റിൽ റെദീം ത്ലാങ് ​ഗോവയ്ക്കായി സ്കോർ ചെയ്തു. 

കഴിഞ്ഞ മത്സരത്തിൽ മുംബൈ സിറ്റിയോട് എതിരില്ലാത്ത നാല് ഗോളിനാണ് ബ്ലാസ്റ്റേഴ്സ് തോറ്റത്. 

ഈ വാര്‍ത്ത കൂടി വായിക്കൂ 

അവിശ്വസനീയം; ഷൂട്ടൗട്ടിൽ തിരിച്ചടി; ലോകകപ്പ് ഹോക്കിയിൽ നിന്ന് ഇന്ത്യ പുറത്ത് 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ