ന്യൂയോര്ക്ക്: പരിഷ്കരിച്ച് 32 ടീമുകളെ ഉള്പ്പെടുത്തിയുള്ള ഫിഫ ക്ലബ് ലോകകപ്പ് (FIFA Club World Cup) പോരാട്ടങ്ങള്ക്ക് തുടക്കം. ഉദ്ഘാടന പോരാട്ടത്തില് ലയണല് മെസിയുടെ നേതൃത്വത്തില് ഇറങ്ങിയ ഇന്റര് മയാമിയെ ഈജിപ്ഷ്യൻ ടീം അല് അഹ്ലി ഗോള്രഹിത സമനിലയില് തളച്ചു.
മെസിയും യുറുഗ്വെ സൂപ്പര് താരവും ഇതിഹാസവുമായ ലൂയീസ് സുവാരസും അടങ്ങിയ മുന്നേറ്റ നിരയെ ഗോളടിക്കാന് സമ്മതിക്കാതെ ഈജിപ്ഷ്യൻ ക്ലബ് പ്രതിരോധിച്ചു. ഗോളടിക്കാന് ലഭിച്ച പെനാല്റ്റി അല് അഹ്ലി കളഞ്ഞു കുളിക്കുകയും ചെയ്തതോടെ ആദ്യ പോരാട്ടം ഗോളില്ലാതെ പിരിഞ്ഞു.
ഈജിപ്ഷ്യന് താരം ട്രെസഗെ എടുത്ത കിക്ക് ഇന്റര് മയാമി ഗോള് കീപ്പര് ഓസ്കാര് ഉസ്താരി തടുത്തിട്ടു. ആദ്യ പകുതിയിലായിരുന്നു ഈജിപ്ഷ്യൻ ടീമിനു ലീഡെടുക്കാന് അവസരം ലഭിച്ചത്.
അടുത്ത റൗണ്ടില് ഇന്റര് മയാമിയുടെ എതിരാളികള് എഫ്സി പോര്ട്ടോയാണ്. അല് അഹ്ലി അറ്റ്ലാന്റയുമായി എറ്റുമുട്ടും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates