ന്യൂയോര്ക്ക്: ഫിഫ ലോകകപ്പ് പോരാട്ടത്തിലെ ഗോള്ഡന് ബൂട്ടിനായുള്ള മത്സരം കടുക്കുന്നു. 6 ഗോള് വീതം നേടി അര്ജന്റീന ഇതിഹാസവും നായകനുമായ ലയണല് മെസിയാണ് ഒന്നാമത്. ഇത്രയും ഗോളുകളുമായി ഫ്രഞ്ച് ക്യാപ്റ്റന് കിലിയന് എംബാപ്പെയും ഒപ്പം നില്ക്കുന്നു.
ഡിആര് കോംഗോയ്ക്കെതിരായ പോരാട്ടത്തില് ഇരട്ട ഗോളുകള് നേടി ഇംഗ്ലണ്ട് ക്യാപ്റ്റന് ഹാരി കെയ്ന് ഗോള് നേട്ടം അഞ്ചാക്കി ഉയര്ത്തി ഇരുവര്ക്കും പിന്നാലെ തന്നെ കുതിക്കുന്നു. നോര്വെയുടെ എര്ലിങ് ഹാളണ്ടിനും 5 ഗോളുകളുണ്ട്.
നാല് വീതം ഗോളുകളുമായി ഒസ്മാന് ഡെംബലെ, വിനീഷ്യസ് ജൂനിയര്, ഇസ്മയില സാര് എന്നിവരും പട്ടികയിലുണ്ട്. അതേസമയം ബെല്ജിയത്തോടെ റൗണ്ട് ഓഫ് 32ല് തോല്വി വഴങ്ങി സെനല് പുറത്തായതിനാല് സാറിന്റെ 4 ഗോളിനു അധികം ആയുസ് കാണിന്നില്ല.
മൂന്ന് ഗോളുകള് വീതം നേടിയ താരങ്ങള്: ഡെനിസ് ഉണ്ടാവ്, കയ് ഹവെര്ട്സ് (ജര്മനി), കോഡി ഗാക്പോ, ബ്രയാന് ബ്രോബറി (നെതര്ലന്ഡ്സ്), ജോഹാന് മാന്സാംബി (സ്വിറ്റ്സര്ലന്ഡ്), ജൂലിയന് ക്വിനോനസ് (മെക്സിക്കോ), ഫൊളാരിന് ബലോഗന് (യുഎസ്എ), മാത്യൂസ് കുന്യ (ബ്രസീല്), ഏലിയ ജസ്റ്റ് (ന്യൂസിലന്ഡ്), യോവാന് വിസ്സ (കാബോ വെര്ദെ), ജോനാഥന് ഡേവിഡ് (കാനഡ), ഇസ്മയില് സൈബാരി (മൊറോക്കോ).
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates