ന്യൂയോര്‍ക്ക്: ടി20 ലോകകപ്പ് നടക്കുന്ന അമേരിക്കയില്‍ ടൂര്‍ണമെന്റിന്റെ തുടക്കം മുതല്‍ തന്നെ മഴയുണ്ട്. പല മത്സരങ്ങളും ഒരു പന്ത് പോലും എറിയാതെ ഉപേക്ഷിക്കുകയും ചെയ്തിരുന്നു. ന്യൂയോര്‍ക്ക്, ഫ്‌ളോറിഡ, ഡാലസ് നഗരങ്ങളിലായാണ് വേദികള്‍.

ഇപ്പോള്‍ ഫ്‌ളോറിഡയിലെ വേദി മാറ്റണമെന്ന ആവശ്യവുമായി ആരാധകര്‍ രംഗത്തെത്തി. ഫ്‌ളോറിഡയില്‍ മഴ മുന്നറിയിപ്പിനൊപ്പം പ്രളയം, മലവെള്ളപ്പാച്ചില്‍ ജാഗ്രതാ നിര്‍ദ്ദേശമുണ്ട്. ഐസിസിയോടാണ് ആരാധകര്‍ വേദി മാറ്റം ആവശ്യപ്പെട്ടത്. ഫ്‌ളോറിഡയിലെ മത്സരങ്ങള്‍ ന്യൂയോര്‍ക്കിലേക്കോ, ഡാലസിലേക്കോ മാറ്റണമെന്നാണ് ആരാധകര്‍ ചൂണ്ടിക്കാട്ടുന്നത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

തെക്കന്‍ ഫ്‌ളോറിഡയില്‍ കനത്ത മഴയാണ് കഴിഞ്ഞ ദിവസം പെയ്തത്. ഇതോടെ പല നഗരങ്ങളിലും താഴ്ന്ന പ്രദേശങ്ങളുമെല്ലാം പ്രളയ ഭീഷണി നേരിടുന്നുണ്ട്. ഈ സാഹചര്യം ചൂണ്ടിക്കാട്ടിയാണ് ആരാധകര്‍ ഐസിസിയോട് വേദി മാറ്റം അഭ്യര്‍ഥിച്ചത്. ഇന്നലെ ഫ്ളോറിഡയില്‍ നടക്കേണ്ട നേപ്പാള്‍- ശ്രീലങ്ക പോരാട്ടം മഴയെ തുടര്‍ന്നു ഒരു പന്ത് പോലും എറിയാതെ ഉപേക്ഷിച്ചിരുന്നു.

ഫ്‌ളോറിഡയിലെ സെന്റര്‍ ബ്രോവാര്‍ഡ് റീജ്യനല്‍ പാര്‍ക് സ്റ്റേഡിയം ടര്‍ഫ് ഗ്രൗണ്ടില്‍ മൂന്ന് മത്സരങ്ങളാണ് ഇനി നടക്കാനുള്ളത്. 14, 15, 16 തീയതികളിലാണ് പോരാട്ടങ്ങള്‍. മഴ തുടരുന്ന സാഹചര്യവും പ്രളയ മുന്നറിയിപ്പും മത്സരങ്ങള്‍ക്ക് ഭീഷണിയാണ്.