മോസ്ക്കോ: ലോകകപ്പില് ഇതുവരെ യുറഗ്വെയെ കീഴടക്കിയിട്ടില്ലെന്ന മാനക്കേട് മായ്ച്ചാണ് ഫ്രാന്സ് റഷ്യന് ലോകകപ്പില് സെമി ഉറപ്പിക്കുന്ന ആദ്യ ടീമായി മാറിയത്. ഇതിനൊപ്പം മറ്റൊരു നേട്ടം കൂടി അവര് സ്വന്തമാക്കി. ലോകകപ്പ് പോരാട്ടത്തില് മൂന്ന് ലാറ്റിനമേരിക്കന് രാജ്യങ്ങളെ കീഴടക്കുന്ന രണ്ടാമത്തെ ടീമെന്ന റെക്കോര്ഡാണ് ദിദിയര് ദെഷാംപ്സിന്റെ കുട്ടികള് സ്വന്തമാക്കിയത്. 1974ലെ ലോക പോരാട്ടത്തില് ഹോളണ്ട് സ്ഥാപിച്ച സമാന റെക്കോര്ഡിനൊപ്പമാണ് ഫ്രഞ്ച് സംഘവും എത്തിയത്. റാഫേല് വരാനെ, അന്റോയിന് ഗ്രിസ്മാന് എന്നിവരുടെ ഗോളിലാണ് ക്വാര്ട്ടറില് യുറഗ്വയെ ഫ്രാന്സ് പരാജയപ്പെടുത്തിയത്.
നേരത്തെ ഗ്രൂപ്പ് ഘട്ടത്തില് പെറുവും പ്രീ ക്വാര്ട്ടറില് കരുത്തരായ അര്ജന്റീനയുമാണ് ഈ ലോകകപ്പില് ഫ്രാന്സിന്റെ മികവിന് മുന്നില് വീണുപോയ ലാറ്റിനമേരിക്കന് ടീമുകള്. ഇപ്പോള് യുറഗ്വെയും ആ പട്ടികയിലേക്കെത്തി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates