കൊല്‍ക്കത്ത: ബിസിസിഐ പ്രസിഡന്റ് സൗരവ് ഗാംഗുലിയെ ബാധിച്ചത് കോവിഡിന്റെ ഡെല്‍റ്റ വകഭേദം. ആശുപത്രിയില്‍ നിന്ന് ഡിസ്ചാര്‍ജ് ചെയ്തതിന് ശേഷം വീട്ടില്‍ ഐസൊലേഷനില്‍ കഴിയുകയാണ് ഗാംഗുലി.
ഗാംഗുലിയെ ബാധിച്ചത് ഒമൈക്രോണ്‍ വകഭേദം അല്ലെന്ന് സ്ഥിരീകരിച്ചതിന് ശേഷമാണ് ആശുപത്രിയില്‍ നിന്ന് ഡിസ്ചാര്‍ജ് ചെയ്തത്. ചെറിയ കോവിഡ് ലക്ഷണങ്ങള്‍ മാത്രമാണ് ഗാംഗുലിക്ക് ഇപ്പോഴുള്ളത്.
തിങ്കളാഴ്ചയാണ് ഗാംഗുലിയെ ആശുപത്രിയില്‍ പ്രവേശിപ്പിച്ചത്
കഴിഞ്ഞ തിങ്കളാഴ്ചയാണ് കോവിഡ് സ്ഥിരീകരിച്ചതോടെ ഗാംഗുലിയെ ആശുപത്രിയില്‍ പ്രവേശിപ്പിച്ചത്. മുന്‍കരുതലിന്റെ ഭാഗമായിട്ടായിരുന്നു ഇത്. എന്നാല്‍ കോവിഡ് ലക്ഷണങ്ങള്‍ മൂര്‍ച്ഛിക്കാതിരുന്നതോടെ ഡിസ്ചാര്‍ജ് ചെയ്തു.
ആശുപത്രിയില്‍ ആന്റിബോഡി കോക്‌റ്റെയ്ല്‍ ചികിത്സയ്ക്കാണ് ഗാംഗുലിയെ വിധേയനാക്കിയത്. കഴിഞ്ഞ വര്‍ഷം മൂന്നാം തവണയായിരുന്നു ഗാംഗുലിയെ ആശുപത്രിയില്‍ പ്രവേശിപ്പിച്ചത്. ജനുവരി ആദ്യ വാരം ഹൃദയാഘാതത്തെ തുടര്‍ന്ന് ഗാംഗുലിയെ ആന്‍ജിയോപ്ലാസ്റ്റിക് വിധേയനാക്കിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates