വാഷിങ്ടൺ: അമേരിക്കൻ ലോങ് ജംപ് ഇതിഹാസം ​ഗ്രെ​ഗ് ബെൽ (94) അന്തരിച്ചു. ജീവിച്ചിരിപ്പുള്ള ഒളിംപിക്സ് അത്‍ലറ്റിക്സ് സ്വർണം സ്വന്തമാക്കിയ ഏറ്റവും പ്രായം കൂടിയ വ്യക്തിയാണ് ഓർമയാകുന്നത്. കഴിഞ്ഞ ശനിയാഴ്ചയാണ് അദ്ദേഹത്തിന്റെ വിയോ​ഗം.

1956ലെ മെൽബൺ ഒളിംപിക്സിലാണ് ​ഗ്രെ​ഗ് ബെൽ ലോങ് ജംപ് സ്വർണം സ്വന്തമാക്കിയത്. 1957ൽ 8.10 മീറ്റർ ദൂരം ചാടി വ്യക്തി​ഗത റെക്കോർഡും സ്ഥാപിച്ചു. ഇതിഹാസ താരം ജെസി ഓവൻസ് 1935ൽ സ്ഥാപിച്ച ലോക റെക്കോ‍ർഡിനു വെറും 3 സെന്റി മീറ്റർ മാത്രം പിന്നിലായിരുന്നു ഈ പ്രകടനം.

അമേരിക്കയിലെ വിമാന ദുരന്തം; മരിച്ചവരില്‍ ഐസ് സ്‌കേറ്റിങ് ലോക ചാംപ്യന്‍മാരായ ദമ്പതികളും

അത്‍ലറ്റിക്സിൽ നിന്നു വിരമിച്ച ശേഷം ​ഗ്രെ​ഗ് ബെൽ ദന്ത ഡോക്ടറായും അദ്ദേഹം ഏറെ കാലും തിർന്നു. ലോ​ഗൻസ്പോർട് സ്റ്റേറ്റ് ഹോസ്പിറ്റലിന്റെ ഡയറക്ടറായിരുന്നു. 89ാം വയസ് മുതൽ അദ്ദേഹം വിശ്രമ ജീവിതം നയിക്കുകയായിരുന്നു.