ദുബായ്: പാകിസ്ഥാനെതിരായ ടി20 ലോകകപ്പിലെ ആദ്യ പോരാട്ടത്തില് ഇന്ത്യ ഞെട്ടിക്കുന്ന തോല്വി വഴങ്ങിയിരുന്നു. ഇനി ന്യൂസിലന്ഡാണ് ഇന്ത്യയുടെ അടുത്ത എതിരാളികള്. ന്യസിലന്ഡിനെ നേരിടാനിറങ്ങുമ്പോള് ടീമില് ശ്രദ്ധേയ മാറ്റങ്ങള് വേണമെന്ന അഭിപ്രായവുമായി രംഗത്തെത്തിയിരിക്കുകയാണ് മുന് ഇന്ത്യന് താരം ഹര്ഭജന് സിങ്.
'ഇഷാന് കിഷനെ കളിപ്പിക്കണം എന്നാണ് ഞാന് വിചാരിക്കുന്നത്. അത് ടീമിനെ സംബന്ധിച്ച് വളരെ പ്രധാനമാണ്. രോഹിത് ശര്മയ്ക്കൊപ്പം ഇഷാന് ഓപ്പണ് ചെയ്യാന് ഇറങ്ങണം.'
'ആദ്യ ആറ് ഓവറുകളില് ഇഷാന് ഇറങ്ങിയാല് 40-45 റണ്സിന് പകരം 60-66 റണ്സുകള് നേടാന് സാധിച്ചേക്കും. ബൗളര്മാരില് സമ്മര്ദ്ദം ചെലുത്താന് സാധിക്കുന്ന സ്ഫോടനാത്മക ബാറ്റിങ് പുറത്തെടുക്കാന് ഇഷാന് കഴിയും. ഇഷാന് ഓപണ് ചെയ്യുമ്പോള് വിരാട് കോഹ്ലി മൂന്നാം സ്ഥാനത്തും കെഎല് രാഹുല് നാലാം സ്ഥാനത്തും ഋഷഭ് പന്ത് അഞ്ചാം സ്ഥാനത്തും ബാറ്റിങിന് ഇറങ്ങണം'- ഹര്ഭജന് പറയുന്നു.
ആദ്യ പോരാട്ടത്തില് പാകിസ്ഥാനോട് അപ്രതീക്ഷിത തോല്വി വഴങ്ങിയ ഇന്ത്യ ഞായറാഴ്ചയാണ് ന്യൂസിലന്ഡിനെ നേരിടാനിറങ്ങുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates