ബംഗളൂരു: നെതര്ലന്ഡ്സിനെതിരായ ലോകകപ്പിലെ അവസാന ഗ്രൂപ്പ് പോരാട്ടത്തില് ഇന്ത്യക്ക് മൂന്ന് വിക്കറ്റുകള് നഷ്ടമായി. അര്ധ സെഞ്ച്വറി നേടി വിരാട് കോഹ്ലിയും മടങ്ങി. പിന്നാലെ ശ്രേയസ് അയ്യരും അര്ധ ശതകം പിന്നിട്ടു. ഇന്ത്യ നിലവിൽ മൂന്ന് വിക്കറ്റ് നഷ്ടത്തിൽ 251 റൺസ് എന്ന നിലയിൽ.
ഇന്ത്യന് ഇന്നിങ്സിലെ നാലാം അര്ധ സെഞ്ച്വറിയാണ് ശ്രേയസിന്റേത്. താരം 48 പന്തില് ആറ് ഫോറുകള് സഹിതം 50ല് എത്തി. നിലവില് 61 റണ്സുമായി ബാറ്റിങ് തുടരുന്നു. 17 റണ്സുമായി കെഎല് രാഹുലും ക്രീസില്.
കോഹ്ലി 56 പന്തില് അഞ്ച് ഫോറും ഒരു സിക്സും സഹിതം 51 റണ്സെടുത്താണ് മടങ്ങിയത്. 50ാം സെഞ്ച്വറി നേടി താരം റെക്കോര്ഡിടുമെന്നു പ്രതീക്ഷിച്ചെങ്കിലും പാതി വഴിയില് അവസാനിച്ചു.
നേരത്തെ അര്ധ സെഞ്ച്വറികള് നേടി ഓപ്പണര്മാരായ ക്യാപ്റ്റന് രോഹിത് ശര്മ, ശുഭ്മാന് ഗില് എന്നിവര് പുറത്തായി. ഒന്നാം വിക്കറ്റില് രോഹിത്- ഗില് സഖ്യം 100 റണ്സ് ചേര്ത്താണ് പിരിഞ്ഞത്. രോഹിത് 54 പന്തില് എട്ട് ഫോറും രണ്ട് സിക്സും സഹിതം 61 റണ്സ് നേടി മടങ്ങി.
ടോസ് നേടി ഇന്ത്യ ബാറ്റിങ് തിരഞ്ഞെടുക്കുകയായിരുന്നു. അതിവേഗ തുടക്കമാണ് രോഹിത് ശര്മയും ശുഭ്മാന് ഗില്ലും ചേര്ന്നു ഇന്ത്യക്ക് നല്കിയത്. അര്ധ സെഞ്ച്വറിക്ക് പിന്നാലെ ഗില് മടങ്ങി.
ഗിലാണ് ആദ്യം അര്ധ ശതകം പിന്നിട്ടത്. കോഹ്ലിയെ സാക്ഷിയാക്കിയാണ് രോഹിത് 55ാം ഏകദിന അര്ധ സെഞ്ച്വറി നേടിയത്. 44 പന്തില് എട്ട് ഫോറും ഒരു സിക്സും സഹിതമാണ് രോഹിതിന്റെ അര്ധ സെഞ്ച്വറി. ബൗണ്ടറിയടിച്ചാണ് താരം 50 പിന്നിട്ടത്.
ഗില് 30 പന്തില് നാല് സിക്സും മൂന്ന് ഫോറും സഹിതം 50 റണ്സെടുത്തു. 32 പന്തില് 51 റണ്സെടുത്ത് പിന്നാലെ താരം ഔട്ടായി. വാന് മീകരനാണ് കൂട്ടുകെട്ടു പൊളിച്ചത്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates