Kerala PSC: പൊതുവിദ്യാഭ്യാസ വകുപ്പിൽ ഒഴിവ്; ബ്രെയിലിസ്റ്റ് തസ്തിക, അവസാന തീയതി സെപ്റ്റംബർ 2

കേരള പൊതുവിദ്യാഭ്യാസ വകുപ്പിൽ ബ്രെയിലിസ്റ്റ് തസ്തികയിലേക്ക് നേരിട്ടുള്ള നിയമനത്തിനായി കേരള പബ്ലിക് സർവീസ് കമ്മീഷൻ (Kerala PSC) അപേക്ഷ ക്ഷണിച്ചു. ആകെ 3 ഒഴിവുകളിലേക്കാണ് നിയമനം. പത്താം ക്ലാസും ഇംഗ്ലീഷ്, മലയാളം, ഹിന്ദി ഭാഷകളിൽ ബ്രെയിൽ എഴുത്തിൽ പ്രാവീണ്യവും ഉള്ളവർക്ക് അപേക്ഷിക്കാം. താൽപര്യമുള്ള ഉദ്യോഗാർഥികൾ 2026 സെപ്റ്റംബർ 2 അർധരാത്രി 12 മണിവരെ കേരള പി.എസ്.സി.യുടെ വൺ ടൈം രജിസ്ട്രേഷൻ (OTR) പ്രൊഫൈൽ വഴി ഓൺലൈനായി അപേക്ഷ സമർപ്പിക്കണം.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക്  ചെയ്യുക

തസ്തിക: ബ്രെയിലിസ്റ്റ്

വകുപ്പ്: പൊതുവിദ്യാഭ്യാസ വകുപ്പ്

ശമ്പളം: ₹35,600 – ₹75,400

ഒഴിവുകൾ: 3

പ്രായപരിധി: 18 മുതൽ 48 വയസ്സ് വരെ

1978 ജനുവരി 2-നും 2008 ജനുവരി 1-നും ഇടയിൽ ജനിച്ചവർക്ക് അപേക്ഷിക്കാം.

എസ്.സി./എസ്.ടി., ഒ.ബി.സി. വിഭാഗങ്ങൾക്ക് നിയമാനുസൃത വയസ്സിളവ് ലഭിക്കും.

ഉയർന്ന പ്രായപരിധി ഒരു കാരണവശാലും 50 വയസ് കവിയാൻ പാടില്ല.

വിദ്യാഭ്യാസ യോഗ്യത

• എസ്.എസ്.എൽ.സി. വിജയിച്ചിരിക്കണം.

• ഇംഗ്ലീഷ്, മലയാളം, ഹിന്ദി ഭാഷകളിൽ ബ്രെയിൽ എഴുത്തിൽ പ്രാവീണ്യം ഉണ്ടായിരിക്കണം.

• ഈ മൂന്ന് ഭാഷകളിലും ബ്രെയിൽ എഴുത്തിൽ പ്രത്യേക പരീക്ഷയ്ക്ക് ഹാജരാകാൻ തയ്യാറായിരിക്കണം.

അപേക്ഷ സമർപ്പിക്കേണ്ട വിധം

കേരള പി.എസ്.സി.യുടെ One Time Registration (OTR) പ്രൊഫൈൽ വഴി ഓൺലൈനായി മാത്രം അപേക്ഷിക്കാം. അപേക്ഷാ ഫീസ് ഇല്ല.

അവസാന തീയതി

2026 സെപ്റ്റംബർ 2 (ബുധനാഴ്ച), രാത്രി 12 മണി വരെ.

എഴുത്തുപരീക്ഷ/ഒ.എം.ആർ./ഓൺലൈൻ പരീക്ഷ നടത്തുന്ന സാഹചര്യത്തിൽ പരീക്ഷ എഴുതുന്നതിനുള്ള Confirmation നിശ്ചിത സമയത്തിനകം പി.എസ്.സി. പ്രൊഫൈൽ വഴി നൽകണം. സ്ഥിരീകരണം നൽകിയ ഉദ്യോഗാർഥികൾക്ക് മാത്രമേ അഡ്മിറ്റ് കാർഡ് ഡൗൺലോഡ് ചെയ്യാൻ കഴിയൂ.

കൂടുതൽ വിവരങ്ങൾക്ക്

കേരള പി.എസ്.സി. പുറത്തിറക്കിയ ഔദ്യോഗിക വിജ്ഞാപനം പരിശോധിക്കുക.

https://www.keralapsc.gov.in/sites/default/files/2026-07/noti-81-26.pdf