ബംഗലൂരു: അഫ്ഗാനിസ്ഥാനെതിരായ ടി20 പരമ്പരയിലെ മൂന്നാം മത്സരം ഇന്ന് നടക്കും. രാത്രി ഏഴു മുതല്‍ ബംഗലൂരുവിലാണ് മത്സരം. ടി 20 ലോകകപ്പിനുമുമ്പ് കളിക്കുന്ന അവസാന ക്രിക്കറ്റ് പരമ്പരയില്‍ സമ്പൂര്‍ണ വിജയം നേടുക ലക്ഷ്യമിട്ടാണ് ഇന്ത്യ ഇറങ്ങുന്നത്. 

ആദ്യ രണ്ടു മത്സരങ്ങളും പരാജയപ്പെട്ട അഫ്ഗാനിസ്ഥാന്‍ ആശ്വാസ ജയത്തോടെ നാട്ടിലേക്ക് മടങ്ങാനാണ് ആഗ്രഹിക്കുന്നത്. ആദ്യ രണ്ടു മത്സരങ്ങളിലും ആധികാരിക ജയമാണ് ഇന്ത്യ നേടിയത്. രണ്ടിലും അര്‍ധ സെഞ്ച്വറി നേടി തകര്‍പ്പന്‍ പ്രകടനം കാഴ്ചവെച്ച ശിവം ഡുബെ ലോകകപ്പ് സ്‌ക്വാഡിലേക്ക് അവകാശവാദം ഉന്നയിച്ചു കഴിഞ്ഞു. 

ആദ്യ രണ്ടുമത്സരങ്ങളിലും അവസരം കിട്ടാതിരുന്ന മലയാളി താരം സഞ്ജു സാംസണ്‍, പേസ് ബൗളര്‍ ആവേശ് ഖാന്‍, സ്പിന്നര്‍ കുല്‍ദീപ് യാദവ് എന്നിവര്‍ക്ക് ഇന്നത്തെ മത്സരത്തില്‍ അവസരം നല്‍കിയേക്കും. ജൂണിലാണ് ടി 20 ലോകകപ്പ് നടക്കുക. അതിനുമുമ്പ് ഇന്ത്യയുടെ അവസാന ടി 20 മത്സരമാണ് ഇന്നു നടക്കുന്നത്.

ഈ വാര്‍ത്ത കൂടി വായിക്കൂ

'അമ്മാവന്‍' എന്ന് വിളിച്ചു; ആരാധകരോട് കയര്‍ത്ത് പാക് ഓള്‍റൗണ്ടര്‍, വീഡിയോ 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ