ധാക്ക: ബംഗ്ലദേശിനെതിരായ മൂന്നാം ഏകദിനത്തില്‍ ഇന്ത്യയ്ക്ക് വമ്പന്‍ ജയം. 410 എന്ന ലക്ഷ്യം പിന്തുടര്‍ന്ന ബംഗ്ലദേശിനെ ഇന്ത്യ 182ല്‍ ഒതുക്കി 227 റണ്‍സിന്റെ കൂറ്റന്‍ വിജയം സ്വന്തമാക്കി. 131 പന്തില്‍ 210 റണ്‍സെടുത്ത ഇഷാന്‍ കിഷനാണ് മത്സരത്തിലെ താരം. മൂന്നു മത്സരങ്ങളുള്ള പരമ്പര ബംഗ്ലാദേശ് നേരത്തെ സ്വന്തമാക്കിയിരുന്നു
ആദ്യം ബാറ്റു ചെയ്ത ഇന്ത്യ നിശ്ചിത ഓവറില്‍ എട്ടു വിക്കറ്റ് നഷ്ടത്തില്‍ 409 റണ്‍സെടുത്തു. മറുപടി ബാറ്റിങ്ങിനിറങ്ങിയ ബംഗ്ലദേശ് ഇന്ത്യന്‍ റണ്‍മലയ്ക്കു മുന്നില്‍ ചീട്ടുകൊട്ടാരം പോലെ തകര്‍ന്നു. 50 പന്തില്‍ 43 റണ്‍സെടുത്ത ഷാക്കിബ് അല്‍ ഹസന്‍ ആണ് ബംഗ്ല നിരയിലെ ടോപ് സ്‌കോറര്‍.
ക്യാപ്റ്റന്‍ ലിറ്റന്‍ ദാസ് (29), യാസിര്‍ അലി( 25), മഹമ്മദുല്ല(20), തസ്‌കിന്‍ അഹമ്മദ്(17), മുസ്തഫിസുര്‍ റഹ്മാന്‍(13) എന്നിവര്‍ മാത്രമാണ് ബംഗ്ലാ നിരയില്‍ രണ്ടക്കം കടന്നത്. 34 ഓവര്‍ വരെ മാത്രമെ മത്സരം നീണ്ടുനിന്നുള്ളൂ. ഇന്ത്യയ്ക്കായി ഷര്‍ദൂല്‍ താക്കൂര്‍ മൂന്നു വിക്കറ്റും അക്‌സര്‍ പട്ടേല്‍, ഉമ്രാന്‍ മാലിക് എന്നിവര്‍ രണ്ടു വിക്കറ്റു വീതവും മുഹമ്മദ് സിറാജ്, വാഷിങ്ടന്‍ സുന്ദര്‍, കുല്‍ദീപ് യാദവ് എന്നിവര്‍ ഒരോ വിക്കറ്റു വീതവും വീഴ്ത്തി.
91 പന്തില്‍ 113 റണ്‍സ് എടുത്ത ഇഷാന്‍ കിഷന് മികച്ച പിന്തുണ നല്‍കി. ഏറ്റവും വേഗതയേറിയ ഇരട്ടസെഞ്ചറിയെന്ന റെക്കോര്‍ഡും ഇഷാന്‍ സ്വന്തം പേരില്‍ എഴുതി.ഇന്ത്യ 50 ഓവറില്‍ 8 വിക്കറ്റ് നഷ്ടത്തില്‍ 409 റണ്‍സ് എടുത്തു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates