ന്യൂഡല്‍ഹി: 2036ലെ ഒളിംപിക്‌സിന്റെ വേദിയാവാന്‍ ഇന്ത്യ പരമാവധി ശ്രമിക്കുമെന്നു കേന്ദ്ര കായികമന്ത്രി അനുരാഗ് ഠാക്കൂര്‍. ആതിഥ്യം നേടിയെടുക്കുന്ന കാര്യം ഗൗരവമായി പരിഗണിച്ചുകൊണ്ടിരിക്കുകയാണെന്ന് മന്ത്രി പറഞ്ഞു.

എല്ലാ മേഖലയിലും ഇന്ത്യ ലോകശക്തിയായി മാറിക്കഴിഞ്ഞു, എങ്കില്‍ കായികരംഗത്തും അതാകുന്നതില്‍ എന്താണു കുഴപ്പം? - അനുരാഗ് ഠാക്കൂര്‍ ചോദിച്ചു. 

2036 ഒളിംപിക്‌സ് വേദിക്കായുള്ള മത്സരത്തില്‍ ആദ്യ ഘട്ടത്തില്‍ 10 നഗരങ്ങളാണുണ്ടാവുക. ഇതില്‍നിന്നാണ് രാജ്യാന്തര ഒളിംപിക് കമ്മിറ്റി ആതിഥേയ നഗരത്തെ തെരഞ്ഞെടുക്കുക.

പാരിസ്, ലൊസാഞ്ചലസ്, ബ്രിസ്‌ബെയ്ന്‍ എന്നിവയാണ് അടുത്ത 3 ഒളിംപിക്‌സുകളുടെ വേദികളായി നിശ്ചയിച്ചിരിക്കുന്നത്. തുടര്‍ന്നു വരുന്ന ഒളിംപിക്‌സാണ് 2036ലേത്. 

ഈ വാര്‍ത്ത കൂടി വായിക്കൂ 

വിജയത്തുടര്‍ച്ച ലക്ഷ്യമിട്ട് കേരളം ഇറങ്ങുന്നു; എതിരാളി ബിഹാര്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ