ഭുവനേശ്വർ: ഇന്റർകോണ്ടിനന്റൽ കപ്പ് ഫുട്ബോൾ പോരാട്ടത്തിൽ ഫൈനലുറപ്പിച്ച ഇന്ത്യ അവസാന ​ഗ്രൂപ്പ് പോരാട്ടത്തിൽ ​ഗോൾ​ര​ഹിത സമനില വഴങ്ങി. ലബാനനെതിരെയാണ് തുല്ല്യത പാലിച്ചത്. 

രണ്ട് തുടർ വിജയങ്ങളുടെ കരുത്തിലാണ് ഇന്ത്യ മൂന്നാം പോരിനിറങ്ങിയത്. അവസാന പോരാട്ടത്തിൽ ടീമിന് വിജയിക്കാനായില്ല. നേരത്തെ മം​ഗോളിയ, വനൗതു ടീമുകൾക്കെതിരെയാണ് ഇന്ത്യയുടെ വിജയങ്ങൾ. ഈ മാസം 18നാണ് ഫൈനൽ. ഇന്ത്യയും ലബനാനും തമ്മിൽ തന്നെയാണ് പോരാട്ടം. 

സുവർണാവസരങ്ങൾ ലഭിച്ചിട്ടും ​ഗോളടിക്കാൻ കഴിയാതെയാണ് ഇന്ത്യ കളം വിട്ടത്. മികച്ച അവസരങ്ങൾ പാഴാക്കാൻ താരങ്ങൾ മത്സരിച്ചു. ലബനൻ പക്ഷേ അധികം മുന്നേറ്റങ്ങൾ നടത്തിയതുമില്ല. മലയാളി താരങ്ങളായ സഹദ് അബ്ദുൽ സമദും ആഷിഖ് കുരുണിയനും സ്റ്റാർട്ടിങ് ഇലവനിൽ കളിച്ചു.

ഈ വാർത്ത കൂടി വായിക്കൂ

'അതിവേ​ഗം ഋഷഭ് പന്ത്!'- വിക്കറ്റ് കീപ്പർ ബാറ്റർ സുഖം പ്രാപിക്കുന്നു, ലക്ഷ്യം ലോകകപ്പ്

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ