ചെന്നൈ: ദക്ഷിണേന്ത്യൻ നാട്ടങ്കത്തിലും ദയനീയ പരാജയം ഏറ്റുവാങ്ങി കേരള ബ്ലാസ്റ്റേഴ്സ്. ചെന്നൈയിൽ എഫ്സിയോടാണ് ബ്ലാസ്റ്റേഴ്സിന്റെ എവേ പോരാട്ടത്തിലെ തോൽവി. തുടർച്ചയായി മൂന്നാം പോരാട്ടത്തിലാണ് ടീം പരാജയം ഏറ്റുവാങ്ങിയത്. മറുപടിയില്ലാത്ത ഒറ്റ ​ഗോളിനാണ് ടീം തോറ്റത്.

കളിയുടെ അവസാന ഘട്ടങ്ങളിൽ ചെന്നൈയിൻ പത്ത് പേരായി ചുരുങ്ങി. എന്നിട്ടും ബ്ലാസ്റ്റേഴ്സ് ​ഗോൾ നേടിയില്ല. പോയിന്റ് പട്ടികയിൽ ബ്ലാസ്റ്റേഴ്സ് നാലാമത്.

ഇരു ടീമുകളും വിജയം ലക്ഷ്യമിട്ടാണ് ഇറങ്ങിയത്. തുടക്കം മുതൽ കൊണ്ടും കൊടുത്തും ആക്രമിച്ചു കളിച്ചു. നിരവധി മുന്നേറ്റങ്ങളും ഇരു ഭാ​ഗത്തും കണ്ടു. ആദ്യ പകുതി ​ഗോൾ രഹിതമായി.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

രണ്ടാം മിനിറ്റിൽ ചെന്നൈയിൻ ​ഗോൾ നേടി. 60ാം മിനിറ്റിൽ ആകാശ് സം​ഗ്വാനാണ് ചെന്നൈയിൻ വിജയ ​ഗോൾ സമ്മാനിച്ചത്. ഒരു ​ഗോൾ വഴങ്ങിയതോടെ ആക്രമണം കടുപ്പിക്കാൻ ബ്ലാസ്റ്റേഴ്സിനു സാധിച്ചെങ്കിലും ​ഗോൾ നേടാനായില്ല.

81ാം മിനിറ്റിൽ ചെന്നൈയിൻ താരം അങ്കിത് മുഖർജി ചുവപ്പ് കാർഡ് കണ്ടു പുറത്തു പോയി. അവർ പത്ത് പേരായി ചുരുങ്ങി. പക്ഷേ കൊമ്പൻമാർക്ക് ​ഗോളടിക്കാനുള്ള വമ്പുണ്ടായില്ല.