ബംഗളൂരു: ഐപിഎല്ലില്‍ ശേഷിക്കുന്ന മത്സരങ്ങളില്‍ റോയല്‍ ചലഞ്ചേഴ്‌സ് ബംഗളൂരുവിനു പേസര്‍ ജോഷ് ഹെയ്‌സല്‍വുഡിന്റെ സേവനം ലഭിച്ചേക്കില്ല. താരം പരിക്കേറ്റ് പുറത്തായതായാണ് വിവരം.

തോളിനേറ്റ പരിക്കാണ് ഹെയ്‌സല്‍വുഡിനു വിനയായത്. ഇന്ത്യ- പാക് സംഘര്‍ഷത്തെ തുടര്‍ന്നു നിര്‍ത്തി വച്ച ഐപിഎല്‍ അടുത്ത ദിവസം തന്നെ പുനരാരംഭിക്കാനിരിക്കെയാണ് ആര്‍സിബിക്ക് കനത്ത നഷ്ടം സംഭവിക്കുന്നത്.

വീണ്ടും 'എല്‍ ക്ലാസിക്കോ' ജയിച്ച് കയറി ബാഴ്‌സലോണ; റയലിനെ വീഴ്ത്തി കിരീടത്തിലേക്ക് അടുത്തു

പ്ലേ ഓഫിന്റെ വക്കില്‍ നില്‍ക്കുന്ന അവര്‍ക്ക് നിര്‍ണായക പേസറുടെ സേവനമാണ് നഷ്ടമാകുന്നത്. സീസണില്‍ മികച്ച ബൗളിങിലൂടെ ഹെയ്‌സല്‍വുഡ് ടീമിനു വിജയങ്ങള്‍ സമ്മാനിച്ചിട്ടുണ്ട്.