നാഗ്പുര്‍: വിജയ് ഹസാരെ ട്രോഫിയില്‍ ഐതിഹാസിക പ്രകടനം നടത്തിയിട്ടും ഇന്ത്യന്‍ ടീം വാതില്‍ തുറക്കാത്ത സെലക്ടര്‍മാര്‍ക്ക് മുന്നില്‍ അടുത്ത സെഞ്ച്വറിയുമായി പാതി മലയാളി കൂടിയായ കരുണ്‍ നായര്‍. തമിഴ്‌നാടിനെതിരായ രഞ്ജി ട്രോഫി ക്വാര്‍ട്ടറില്‍ ഒന്നാം ഇന്നിങ്‌സ് ബാറ്റിങ് തുടരുന്ന വിദര്‍ഭയ്ക്കായാണ് താരം സെഞ്ച്വറിയടിച്ചത്.
കരുണ്‍ 180 പന്തുകള്‍ നേരിട്ട് 14 ഫോറും ഒരു സിക്‌സും സഹിതം 100 റണ്‍സെടുത്താണ് ടീമിനു കരുത്തായത്. ഒന്നാം ദിനം കളി നിര്‍ത്തുമ്പോള്‍ കരുണ്‍ പുറത്താകാതെ നില്‍ക്കുന്നു. ആറ് വിക്കറ്റ് നഷ്ടത്തില്‍ 264 റണ്‍സെന്ന നിലയിലാണ് വിദര്‍ഭ.
വിജയ് ഹസാരെയിലെ പ്രകടനം മാത്രം അടിസ്ഥാനമാക്കി താരങ്ങളെ ടീമിലെടുക്കാന്‍ സാധിക്കില്ലെന്നായിരുന്നു കരുണിനെ ടീമിലെടുക്കാത്തതിനു സെലക്ടര്‍മാര്‍ നല്‍കിയ വിശദീകരണം. അതിനുള്ള ഉത്തരമാണ് താരം രഞ്ജിയില്‍ കിടിലന്‍ ശതകത്തിലൂടെ നല്‍കിയിരിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates