മാഡ്രിഡ്: തുടരെ അഞ്ച് ജയങ്ങളുമായി സ്പാനിഷ് ലാ ലിഗയില്‍ റയല്‍ മാഡ്രിഡിന്റെ കുതിപ്പ്. ഇന്നലെ എസ്പാന്യോളിനെ സ്വന്തം തട്ടകത്തില്‍ അവര്‍ 2-0ത്തിനു വീഴ്ത്തി. പുതിയ പരിശീലകന്‍ ഷാബി അലോണ്‍സോയ്ക്കു കീഴിലും അവര്‍ മികവോടെ കുതിക്കുന്നു. 15 പോയിന്റുമായി റയല്‍ തലപ്പത്ത് തുടരുന്നു.

കിലിയന്‍ എംബാപ്പെ, എഡര്‍ മിലിറ്റാവോ എന്നിവരുടെ ഗോളുകളാണ് ടീമിന് സുരക്ഷിത വിജയം സമ്മാനിച്ചത്. കളിയുടെ 22ാം മിനിറ്റില്‍ മിലിറ്റാവോയാണ് ലീഡ് സമ്മാനിച്ചത്. എംബാപ്പെ ഗോള്‍ 47ാം മിനിറ്റിലും വന്നു.

മറ്റ് മത്സരങ്ങളില്‍ സെവിയ്യ 2-1നു അലാവസിനെ വീഴ്ത്തി. ജിറോണയെ ലെവാന്റെ എവേ പോരില്‍ 0-4നു തകര്‍ത്തു. വിയ്യാറല്‍, റയല്‍ ബെറ്റിസ് ടീമുകളും ജയം തൊട്ടു. വിയ്യാറല്‍ 2-1നു ഒസാസുനയേയും ബെറ്റിസ് റയല്‍ സോസിഡാഡിനെ 3-1നുമാണ് പരാജയപ്പെടുത്തിയത്. വലന്‍സിയ 2-0ത്തിനു അത്‌ലറ്റിക്കോ ബില്‍ബാവോയെ വീഴ്ത്തി.