ലോകകപ്പ് ഫുട്ബോളില് ഏറ്റവും കൂടുതല് പെനാല്റ്റി മിസ് ആക്കിയ താരമായി ഫുട്ബോള് ഇതിഹാസം ലയണല് മെസി, ഓസ്ട്രിയക്കെതിരായ മത്സരത്തില് ഒന്പതാംമിനിറ്റില് ലഭിച്ച പെനാല്റ്റിയാണ് മെസി പുറത്തേക്ക് അടിച്ചുകളഞ്ഞത്. ഇത് ഗോളായിരുന്നെങ്കില് കളിയുടെ ഒന്പതാം മിനിറ്റില് തന്നെ മെസി ലോകകപ്പ് ഫുട്ബോളില് പുതിയ ചരിത്രം എഴുതിയേനെ. 38ാം മിനിറ്റില് അതിമനോഹരമായ ഗോളിലുടെ മെസി പെനാല്റ്റിക്ക് പ്രായശ്ചിത്തം ചെയ്തു. ലോകകപ്പില് ഏറ്റവും ഗോള് നേടിയ താരം എന്ന ജര്മന് താരം മിറോസ്ലാവ് ക്ലോസെയുടെ റെക്കോര്ഡ് ഇതോടെ പഴംകഥയയായി.
അര്ജന്റീനിയന് താരം ലുട്ടാരോ മാര്ട്ടിനെസ്സിന്റെ മുന്നേറ്റം ബോക്സിനകത്തുവച്ച് ഓസ്ട്രിയന് ഡിഫന്ഡര്മാര് ഫൗള് ചെയ്തതോടെയാണ് അര്ജന്റീനയ്ക്ക് അനുകൂലമായി പെനാല്റ്റി വിധിച്ചത്. ആരാധകരുടെ പ്രതീക്ഷകള് തെറ്റിക്കാതെ കിക്ക് എടുക്കാന് എത്തിയത് ലയണല് മെസി. എന്നാല് മെസിയുടെ കാലുകള് പിഴച്ചു. പന്ത് പുറത്തേക്ക്.
ഇത് മൂന്നാം തവണയാണ് ലോകപ്പില് മെസി പെനാല്റ്റി മിസ് ആക്കുന്നത്. 2022 പോളണ്ട് എതിരായ മത്സരത്തിലും 2018ല് ഐസ് ലന്ഡിനെതിരായ മത്സരത്തിലും മെസി പെനാല്റ്റി മിസ് ആക്കിയിരുന്നു. ലോകകപ്പില് രണ്ട് പെനാല്റ്റി മിസ് ആക്കിയ ഘാന സ്ട്രൈക്കറയാണ് മെസി മറികടന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates