അക്ര: ടെന്നീസ് മത്സരത്തിന് ഇടയില്‍ എതിര്‍ താരത്തിന് മര്‍ദനം. ഐടിഎഫ് ജൂനിയേഴ്‌സ് ടൂര്‍ണമെന്റിലാണ് സംഭവം. മത്സരത്തിന് ശേഷം ഹസ്തദാനം നല്‍കാന്‍ നെറ്റിനടുത്ത് എത്തിയപ്പോഴാണ് സംഭവം. 

ഫ്രാന്‍സിന്റെ ഒന്നാം നമ്പര്‍ സീഡ് താരം മൈക്കല്‍ കൗമേ, ഘാനയുടെ റാഫേല്‍ അന്‍ക്രാ എന്നീ കളിക്കാര്‍ തമ്മിലാണ് പ്രശ്‌നമുണ്ടായത്. മത്സരത്തില്‍ തോറ്റ കൗമേ ഘാന താരത്തിന്റെ മുഖത്ത് അടിക്കുകയായിരുന്നു. പിന്നാലെ ഇരു വിഭാഗങ്ങളും തമ്മില്‍ ഉന്തും തള്ളുമുണ്ടായി. 6-2,6-7,7-6 എന്ന സ്‌കോറിനാണ് ഘാന താരം ജയിച്ചത്. 

ഇതിന്റെ വീഡിയോ സമൂഹമാധ്യമങ്ങളില്‍ വൈറലായി കഴിഞ്ഞു. ട്വിറ്ററില്‍ ഏഴ് ലക്ഷത്തിന് മുകളില്‍ ആളുകള്‍ ഈ വീഡിയോ കണ്ടുകഴിഞ്ഞതായാണ് ന്യൂ യോര്‍ക്ക് പോസ്റ്റിന്റെ വാര്‍ത്തയില്‍ പറയുന്നത്.