ലണ്ടൻ: ഇം​ഗ്ലീഷ് പ്രീമിയർ ലീ​ഗിൽ വിജയം തുടർന്ന് മാഞ്ചസ്റ്റർ സിറ്റി. ന്യൂകാസിൽ യുനൈറ്റഡിനെ മറുപടിയില്ലാത്ത രണ്ട് ​ഗോളുകൾക്കാണ് സിറ്റി തകർത്തത്. ഇരു പകുതികളിലായാണ് സിറ്റിയുടെ ​ഗോളുകൾ വന്നത്. സ്വന്തം തട്ടകത്തിലാണ് മാഞ്ചസ്റ്റർ സിറ്റി മികച്ച പ്രതിരോധ നിരയുള്ള ന്യൂകാസിലിനെ തകർത്തെറിഞ്ഞത്. ഫിൽ ഫോഡൻ, ബെർണാഡ് സിൽവ എന്നിവരാണ് സിറ്റിക്കായി ​ഗോൾ നേടിയത്. 

കളിയുടെ 15ാം മിനിറ്റിലാണ് ഫോഡൻ വല ചലിപ്പിച്ചത്. തുടർച്ചയായി മൂന്നാം മത്സരത്തിലാണ് താരം ടീമിനായി ​ഗോൾ നേടുന്നത്. റോഡ്രിയിൽ നിന്ന് പന്ത് സ്വീകരിച്ച ഫോഡൻ എതിർ താരങ്ങളെ ഡ്രിബിൾ ചെയ്താണ് മനോഹരമായി പന്ത് വലയിലാക്കിയത്. 

രണ്ടാം പകുതിയിലും സിറ്റിയുടെ ആധിപത്യം തന്നെയായിരുന്നു. 67ാം മിനിറ്റിലാണ് ബെർണാഡ് സിൽവ രണ്ടാം ​ഗോൾ വലയിലാക്കിയത്. 
രണ്ടാം പകുതിയിൽ 67ആം മിനുട്ടിൽ ബെർണാഡ് സിൽവയിലൂടെ സിറ്റി ലീഡ് ഇരട്ടിയാക്കുകയും വിജയം ഉറപ്പിക്കുകയും ചെയ്തു. ജയത്തോടെ സിറ്റി 26 മത്സരങ്ങളിൽ നിന്ന് 58 പോയിന്റുമായി രണ്ടാം സ്ഥാനത്ത് തുടരുന്നു.

ഈ വാര്‍ത്ത കൂടി വായിക്കൂ 

ബ്ലാസ്റ്റേഴ്സിനെ വിലക്കുമോ? വിവാദ ഫ്രീ കിക്കിന്റെ ബാക്കി...

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ