ബുഡാപെസ്റ്റ്: പോള്‍ വാള്‍ട്ടിലെ സ്വന്തം റെക്കോര്‍ഡ് നിരന്തരം തിരുത്തുന്ന സ്വീഡന്‍ താരം മോണ്ടോ ഡുപ്ലാന്റിസ് (അർമാൻഡ് ഡുപ്ലാന്റിസ്) പുതിയ ദൂരം താണ്ടി റെക്കോര്‍ഡ് വീണ്ടും തിരുത്തി. ഇത് 13ാം തവണയാണ് താരം സ്വന്തം നേട്ടം ഉയര്‍ത്തുന്നത്.

ബുഡാപെസ്റ്റില്‍ നടന്ന ലോക അത്‌ലറ്റിക്‌സ് കോണ്ടിനെന്റല്‍ ലോക ടൂറിലാണ് പുതിയ നേട്ടം. താരം 6.29 മീറ്റര്‍ പിന്നിട്ടു.

ഇക്കഴിഞ്ഞ ജൂണിലാണ് 6.28 മീറ്റര്‍ താണ്ടി 12ാം വട്ടം റെക്കോര്‍ഡ് തിരുത്തിയത്. പിന്നാലെയാണ് ഒന്നര മാസം പിന്നിടുമ്പോള്‍ വീണ്ടും റെക്കോര്‍ഡ് തിരുത്തി ഉയരം താണ്ടിയത്.