മുംബൈ: അഫ്ഗാനിസ്ഥാന് സ്പിന്നര് മുജീബുര് റഹ്മാനെ ടീമിലെത്തിച്ച് മുംബൈ ഇന്ത്യന്സ്. ലേലത്തില് ടീമിലെത്തിച്ച അഫ്ഗാന് സ്പിന്നറും കൗമാര താരവുമായ അല്ലാഹ് ഗസന്ഫറിനു പരിക്കേറ്റതോടെയാണ് മുംബൈ ടീം മുജീബുര് റഹ്മാനെ പാളയത്തിലെത്തിച്ചത്.
കഴിഞ്ഞ സീസണില് മുജീബുര് റഹ്മാന് കൊല്ക്കത്ത നൈറ്റ് റൈഡേഴ്സിലായിരുന്നു. എന്നാല് പരിക്കിനെ തുടര്ന്നു കളിക്കാനായില്ല. പകരക്കാരനായി കെകെആര് അന്ന് ടീമിലെത്തിച്ചത് ഗസന്ഫറിനെ ആയിരുന്നു. ഇത്തവണ ഗസന്ഫറിനു പകരം മുജീബുര് മുംബൈയിലേക്ക് വരുന്നത് യാദൃശ്ചികതയായി.
മെഗാ ലേലത്തില് 4.8 കോടി മുടക്കിയാണ് മുംബൈ ഗസന്ഫറിനെ സ്വന്തമാക്കിയത്. അഫ്ഗാനിസ്ഥാന്റെ സിംബാബ്വെ പര്യടനത്തിനിടെയാണ് താരത്തിനു പരിക്കേറ്റത്.
2018ലാണ് മുജീബുര് റഹ്മാന് ഐപിഎല്ലില് അരങ്ങേറിയത്. പഞ്ചാബ് കിങ്സിനായാണ് കളത്തിലെത്തിയത്. കഴിഞ്ഞ വര്ഷം കെകെആറില് എത്തിയെങ്കിലും കളിക്കാനും സാധിച്ചില്ല. 19 ഐപിഎല് മത്സരങ്ങളില് നിന്നു 19 വിക്കറ്റുകളാണ് മുജീബുര് ഇതുവരെ നേടിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates