ലണ്ടന്‍: ഒട്ടേറെ സമ്മോഹന നിമിഷങ്ങള്‍ പിറന്ന, ചരിത്രത്തിലേക്ക് പന്തടിച്ചു കയറ്റിയ നിരവധി പോരാട്ടങ്ങള്‍ കണ്ട മാഞ്ചസ്റ്ററിലെ വിഖ്യാത സ്റ്റേഡിയം ഓള്‍ഡ് ട്രഫോര്‍ഡ് ചോര്‍ന്നൊലിക്കുന്നു. കഴിഞ്ഞ ദിവസം മാഞ്ചസ്റ്റര്‍ യുനൈറ്റഡും ആഴ്‌സണലും തമ്മില്‍ നടന്ന പോരാട്ടത്തിനിടെ സ്‌റ്റേഡിയത്തിന്റെ മേല്‍ക്കൂര ചോര്‍ന്ന് വെള്ളം ശക്തിയായി കാണികളുടെ ഇരിപ്പിടത്തിന്റെ ഭാഗത്തേക്ക് വീഴുന്ന വീഡിയോ പുറത്തു വന്നു.
പിന്നാലെ ഈ സംഭവം ഫുട്‌ബോള്‍ ലോകത്ത് ആരാധകരുടെ ട്രോളിനും വിധേയമായി. പല തരത്തിലുള്ള പരിഹാസങ്ങളുമായി ആരാധകര്‍ സാമൂഹിക മാധ്യമങ്ങളില്‍ നിറഞ്ഞു. നിലവിലെ മാഞ്ചസ്റ്റര്‍ യുനൈറ്റഡിന്‍റെ പ്രതിരോധം പോലെ സ്റ്റേഡിയത്തിലും മൊത്തം വിള്ളലാണെന്നും ആരാധകര്‍ പരിഹസിച്ചു.
മാഞ്ചസ്റ്റര്‍ യുനൈറ്റഡ്- ആഴ്‌സണല്‍ പോരാട്ടത്തിന്റെ അവസാന സമയത്താണ് കനത്ത മഴ പെയ്ത് സ്റ്റേഡിയത്തിലേക്ക് വെള്ളം മേല്‍ക്കൂരയിലെ ചോര്‍ച്ചയിലൂടെ എത്തിയത്. സര്‍ അലക്‌സ് ഫെര്‍ഗൂസന്‍ സ്റ്റാന്‍ഡിനും ഈസ്റ്റ് സ്റ്റാന്‍ഡിനും ഇടയിലാണ് വെള്ളം പതിച്ചത്. സീറ്റുകളിലേക്ക് ഇതു പിന്നീട് പടര്‍ന്നു.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
സര്‍ ബോബി ചാള്‍ട്ടന്‍ സ്റ്റാന്‍ഡിനു സമീപത്തും വെള്ളമുണ്ടായിരുന്നു. ഈ ഭാഗങ്ങളില്‍ ആരാധകരെ കയറാന്‍ അനുവദിക്കാതെ ഒഴിഞ്ഞ ഇരിപ്പിടങ്ങളും വീഡിയോയില്‍ കാണാം. മാഞ്ചസ്റ്റര്‍ യുനൈറ്റഡ് പുതിയ സ്റ്റേഡിയം പണിയുന്നതു സംബന്ധിച്ച ആലോചനകളിലാണെന്നു ക്ലബിന്റെ സഹ ഉടമയായ ജിം റാറ്റ്ക്ലിഫ് പറയുന്നു.
മത്സരത്തില്‍ മാഞ്ചസ്റ്റര്‍ യുനൈറ്റഡ് മറുപടിയില്ലാത്ത ഒറ്റ ഗോളിനു ഗണ്ണേഴ്‌സിനോടു പരാജയപ്പെട്ടു. ജയത്തോടെ ആഴ്‌സണല്‍ ഒന്നാം സ്ഥാനത്തേക്ക് കയറി പ്രീമിയര്‍ ലീഗ് കിരീട പോരാട്ടം കടുപ്പിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates