ബ്രസീലിയ: കോപ്പ അമേരിക്കയിലെ എ ​ഗ്രൂപ്പിൽ ഉറു​ഗ്വേയ്ക്ക് പിന്നാലെ ക്വാർട്ടർ ഉറപ്പിച്ച് പാരാ​ഗ്വേയും. ചിലിയെ എതിരില്ലാത്ത രണ്ട് ​ഗോളിന് കീഴടക്കിയാണ് പാരാ​ഗ്വേ ​ഗ്രൂപ്പ് ഘട്ടം കടക്കുന്നത്. 

33ാം മിനിറ്റിൽ ബ്രയാൻ സമുദിയോയിലൂടെയാണ് പാരാ​ഗ്വേ ആദ്യ ​ഗോൾ നേടിയത്. കോർണറിൽ നിന്നായിരുന്നു ഇവിടെ ​ഗോൾ വന്നത്. മി​ഗ്വേൽ അൽമിറോൺ എടുത്ത കോർണറിൽ ഹെഡ് ചെയ്ത് ബ്രയാൻ പന്ത് ​ഗോൾവലയ്ക്കുള്ളിലെത്തിച്ചു. 

58ാം മിനിറ്റിൽ പെനാൽറ്റിയിലൂടെയായിരുന്നു രണ്ടാമത്തെ ​ഗോൾ. കാർലോസ് ​ഗോൺസാലസിനെതിരായ ചിലി താരത്തിന്റെ ഫൗളാണ് പാരാ​ഗ്വേയ്ക്ക് പെനാൽറ്റി നേടിക്കൊടുത്തത്. പെനാൽറ്റി വലയിലാക്കിയത് മി​ഗ്വേൽ അൽമിറോൺ. ചിലി നേരത്തെ തന്നെ കോപ്പ അമേരിക്ക ക്വാർട്ടർ ഉറപ്പിച്ചിരുന്നു. 

കളിയിൽ കൂടുതൽ ആധിപത്യം പുലർത്തി കളിച്ചത് ചിലി ആയിരുന്നു. പാസുകളിലും പന്ത് കൈവശം വെക്കുന്നതിലും അവർ പാരാ​ഗ്വേയേക്കാൾ ഏറെ മുൻപിൽ നിന്നു. ആദ്യ പകുതിയുടെ 21ാം മിനിറ്റിൽ ബ്രെരട്ടന് ലഭിച്ച അവസരം ഉൾപ്പെടെ മുതലാക്കുന്നതിൽ ചിലി പരാജയപ്പെട്ടതോടെ ​ഗോൾ വല കുലുക്കാനായില്ല.