സിംഗപ്പൂര്‍: ഇന്ത്യയുടെ ഒളിംപിക്‌സ് മെഡല്‍ ജേതാവ് പി വി സിന്ധു സിംഗപ്പൂര്‍ ഓപ്പണ്‍ ബാഡ്മിന്റണ്‍ ഫൈനലില്‍. സെമിയില്‍ റാങ്കിങ്ങില്‍ താഴെയുള്ള ജപ്പാന്റെ സയിന കവകാമിക്കെതിരെ ആധികാരിക ജയം പിടിച്ചാണ് സിന്ധു ഫൈനല്‍ ഉറപ്പിച്ചത്.

32 മിനിറ്റ് നീണ്ട സെമി ഫൈനല്‍ മത്സരത്തില്‍ 21-15,21-7 എന്ന സ്‌കോറിനാണ് സിന്ധു ജയിച്ചത്. 2022ലെ തന്റെ ആദ്യ സൂപ്പര്‍ 500 കിരീടത്തില്‍ നിന്ന് ഒരു ജയം മാത്രം അകലെയാണ് സിന്ധു ഇപ്പോള്‍. ലോക റാങ്കിങ്ങില്‍ 38ാം റാങ്കിലുള്ള സയിനക്കെതിരെ 2-0ന്റെ വിജയ കണക്ക് 3-0 ആയി ഉയര്‍ത്താനും സിന്ധുവിനായി. 

സിന്ധുവിന്റെ ഫോര്‍ഹാന്‍ഡ് റിട്ടേണുകള്‍ക്കും ബാക്ക്ഹാന്‍ഡ് ഫ്‌ളിക്കുകള്‍ക്കും ജാപ്പനിസ് താരത്തിന്റെ പക്കല്‍ മറുപടിയുണ്ടായില്ല. വെള്ളിയാഴ്ച ചൈനയുടെ ഹാന്‍ യുവേയെ വീഴ്ത്തിയാണ് സിന്ധു സെമിയില്‍ കടന്നത്. ആദ്യ സെറ്റില്‍ 17-21ന് നഷ്ടപ്പെട്ടതിന് പിന്നാലെ തിരികെ വന്ന് രണ്ട് സെറ്റും പിടിച്ചായിരുന്നു സിന്ധുവിന്റെ ജയം.

ഈ വാർത്ത കൂടി വായിക്കൂ 

ചെയ്‌സ് ചെയ്തത് 360 റണ്‍സ്, തോല്‍വി ഒരു റണ്‍സിന്; ഹൃദയം തകര്‍ന്ന് അയര്‍ലന്‍ഡ് 

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ