ന്യുഡല്ഹി: ഏഷ്യകപ്പില് ഇന്ത്യന് പേസര് ഭുവനേശ്വര് കുമാറിന്റെ റെക്കോര്ഡ് തകര്ത്ത് റാഷിദ് ഖാന് നേട്ടം. ഇന്നലെ ബംഗ്ലാദേശിനെതിരായ മത്സരത്തിലൂടെയാണ് താരത്തിന്റെ നേട്ടം. അബുദാബിയിലെ ഷെയ്ഖ് സായിദ് സ്റ്റേഡിയത്തില് നടന്ന മത്സരത്തില് മികച്ച പ്രകടനമാണ് റാഷിദ് ഖാന് നടത്തിയത്.
മത്സരത്തില് നാല് ഓവറില് 26 റണ്സ് മാത്രം വഴങ്ങി റാഷിദ് ഖാന് രണ്ട് വിക്കറ്റുകള് വീഴ്ത്തി. ഇതോടെ ടി20 ഏഷ്യാ കപ്പില് ഏറ്റവും കൂടുതല് വിക്കറ്റുകള് നേടിയ ഭുവനേശ്വറിന്റെ റെക്കോര്ഡ് റാഷിദ് തകര്ത്തു. ബംഗ്ലാദേശിനെതിരായ മത്സരത്തിന് മുമ്പ് 12 വിക്കറ്റുകളാണ് താരത്തിന്റെ അക്കൗണ്ടിലുണ്ടായിരുന്നത്.
ബംഗ്ലാദേശ് ഇന്നിങ്സിലെ ഏഴാം ഓവറില് ആദ്യം പന്തെറിയാന് വന്ന റാഷിദ് തന്റെ ആദ്യ വിക്കറ്റ് വീഴ്ത്തി. ഒരു ഗൂഗ്ലിയിലൂടെ സെയ്ഫ് ഹസ്സനെ ക്ലീന് ബൗള്ഡാക്കി. പിന്നെ തന്റെ നാലാം ഓവറില് ഷമിം ഹൊസൈനെ വിക്കറ്റിന് മുന്നില് കുടുക്കിയതോടെ 2/26 എന്ന നിലയില് താരം റെക്കോര്ഡ് നേട്ടത്തിലെത്തി.
ടി20 ഏഷ്യാ കപ്പില് ഏറ്റവും കൂടുതല് വിക്കറ്റുകള് നേടിയവര്
റാഷിദ് ഖാന്: 10 മത്സരങ്ങളില് നിന്ന് 14 വിക്കറ്റുകള്
ഭുവനേശ്വര് കുമാര്: 6 മത്സരങ്ങളില് നിന്ന് 13 വിക്കറ്റുകള്
അംജദ് ജാവേദ്: 7 മത്സരങ്ങളില് നിന്ന് 12 വിക്കറ്റുകള്
വാനിന്ദു ഹസരംഗ: 8 മത്സരങ്ങളില് നിന്ന് 12 വിക്കറ്റുകള്
ഹര്ദിക് പാണ്ഡ്യ: 10 മത്സരങ്ങളില് നിന്ന് 12 വിക്കറ്റുകള്
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates