ബയേണ്‍ മ്യൂണിക്കിനായി ഏറ്റവും കൂടുതല്‍ മത്സരങ്ങള്‍ കളിക്കുന്ന താരമായി 34കാരന്‍ മാറി. ഇതിഹാസ ഗോള്‍ കീപ്പര്‍ സെപ് മെയറുടെ 709 മത്സരങ്ങളുടെ റെക്കോര്‍ഡാണ് പഴങ്കഥയായത്.
ബയേണിനായി 710 മത്സരങ്ങള്‍ മുള്ളര്‍ കളിച്ചു. ബുണ്ടസ് ലീഗയില്‍ ഫ്രീബര്‍ഗിനെതിരായ പോരാട്ടത്തില്‍ രണ്ടാം പകുതിയില്‍ പകരക്കാരനായി ഇറങ്ങിയാണ് റെക്കോര്‍ഡ് നേട്ടം.
2008-09 സീസണിലാണ് താരം ബയേണ്‍ സീനിയര്‍ ടീമില്‍ അരങ്ങേറിയത്. 2009-10 സീസണ്‍ മുതല്‍ കഴിഞ്ഞ സീസണ്‍ വരെ ഒരു കലണ്ടര്‍ വര്‍ഷം ടീമിനായി 40ല്‍ കൂടുതല്‍ മത്സരങ്ങള്‍ മുള്ളര്‍ കളിക്കുന്നു.
ബയേണിനായി 475ാം ബുണ്ടസ് ലീഗ മത്സരത്തിലാണ് താരം ഇന്നലെ ഇറങ്ങിയത്. ബുണ്ടസ് ലീഗയില്‍ മാത്രം മുള്ളര്‍ക്ക് 150 ഗോളുകള്‍.
ഗോളടിച്ചും ഗോളടിപ്പിച്ചും കളം നിറയുന്ന മുള്ളര്‍ ബയേണിനായി ഇതുവരെ നേടിയത് 245 ഗോളുകള്‍. 219 ഗോളുകള്‍ക്ക് താരം വഴി വെട്ടി.
ബാവേറിയന്‍ ക്ലബിനായി 17ാം സീസണാണ് താരം കളിക്കുന്നത്. ഫ്രീബര്‍ഗിനെതിരെ ഇന്നലെ പകരക്കാരനായി എത്തി മുള്ളര്‍ ഗോളടിച്ചു. കഴിഞ്ഞ 16 സീസണുകളിലും താരം ടീമിനായി തുടരെ ഗോളുകള്‍ നേടിയിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates