അഹമ്മദാബാദ്: മോര്ഗന് മുന്പില് നിന്ന് നയിച്ചപ്പോള് പഞ്ചാബിനെതിരെ കൊല്ക്കത്ത നൈറ്റ്റൈഡേഴ്സിന് അഞ്ച് വിക്കറ്റ് ജയം. പഞ്ചാബ് ഉയര്ത്തിയ 123 റണ്സ് വിജയ ലക്ഷ്യം 16.4 ഓവറില് കൊല്ക്കത്ത നൈറ്റ്റൈഡേഴ്സ് മറികടന്നു.
40 പന്തില് നിന്ന് 47 റണ്സ് നേടി പിടിച്ചു നിന്ന മോര്ഗനാണ് വലിയ അപകടങ്ങളിലേക്ക് വീഴാതെ കൊല്ക്കത്തയ്ക്ക് ജയം ഉറപ്പിച്ചത്. തുടരെ നാല് മത്സരങ്ങള് തോറ്റ് നിന്നിരുന്ന കൊല്ക്കത്തയ്ക്ക് ആശ്വാസമാണ് പഞ്ചാബിനെതിരായ ജയം.
ജയത്തോടെ കൊല്ക്കത്ത അഞ്ചാം സ്ഥാനത്തേക്ക് എത്തി. പഞ്ചാബ് ആറാം സ്ഥാനത്താണ്. കൊല്ക്കത്ത ബൗളര്മാര് പഞ്ചാബിനെ ചെറിയ സ്കോറില് ഒതുക്കിയെങ്കിലും 17-3ന് തകര്ന്നാണ് കൊല്ക്കത്ത തുടങ്ങിയത്.
എന്നാല് 41 റണ്സ് എടുത്ത രാഹുല് ത്രിപദിയും 47 റണ്സ് എടുത്ത മോര്ഗനും കൊല്ക്കത്തയെ പിടിച്ചു നിര്ത്തി. നേരത്തെ ടോസ് നേടി പഞ്ചാബിനെ ബാറ്റിങ്ങിനയച്ച മോര്ഗന്റെ തീരുമാനം ശരിവെച്ചാണ് ബൗളര്മാര് പന്തെറിഞ്ഞത്.
പ്രസിദ്ധ് കൃഷ്ണ മൂന്നും നരെയ്വന്, കമിന്സ് എന്നിവര് രണ്ട് വിക്കറ്റ് വീതവും ശിവം മവി വരുണ് ചക്രവര്ത്തി എന്നിവര് ഓരോ വിക്കറ്റും വീഴ്ത്തി. ശിവം മവി 4 ഓവറില് വഴങ്ങിയത് 13 റണ്സ് മാത്രമാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates