ലണ്ടന്: ചെല്സിയുടെ ഓസ്ട്രേലിയന് വനിതാ ഫുട്ബോള് താരം സാമന്ത കെര് വിചാരണം നേരിടണം. വംശീയ അധിക്ഷേപ വിഷയത്തിലാണ് താരത്തിനെതിരെ നടപടി. സാം ഒരു പൊലീസ് ഓഫീസറെ വംശീയമായി അധിക്ഷേപിച്ചെന്ന പരാതിയിലാണ് നടപടി. ബ്രിട്ടനിലാണ് വിചാരണ.
ജനുവരി 30നു ട്വിക്കന്ഹാമില് വച്ചാണ് പരാതിക്കിടയാക്കിയ സംഭവം. വംശീയമായി അധിക്ഷേപിക്കുന്ന വാക്കുകള് സാം കെര് പൊലീസ് ഉദ്യോഗസ്ഥനു നേരെ പ്രയോഗിച്ചുവെന്നാണ് താരത്തിനെതിരായ കുറ്റം. മെട്രോപൊളിറ്റന് പൊലീസാണ് നടപടിയെടുത്തത്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
അതേസമയം ഈ പറയുന്ന തരത്തില് താനൊരു കുറ്റവും ചെയ്തിട്ടില്ലെന്നാണ് സാമന്തയുടെ നിലപാട്. പൊലീസ് ഉദ്യോഗസ്ഥനോട് താരം പ്രതികരിച്ചിട്ടുണ്ട്. എന്നാല് അതു വംശീയമായോ മറ്റെന്തെങ്കിലും തരത്തിലോ ഉള്ള അധിക്ഷേപമല്ലെന്നാണ് സാമന്തയുടെ ബാരിസ്റ്റര് പറയുന്നത്.
ഓസ്ട്രേലിയന് വനിതാ ഫുട്ബോളിലെ ഇതിഹാസമാണ് സാമന്ത. ഓസ്ട്രേലിയയുടെ എക്കാലത്തേയും മികച്ച ഗോള് സ്കോറര് കൂടിയാണ് 30കാരി.
128 മത്സരങ്ങളില്സ നിന്നു താരം 69 ഗോളുകള് ഓസ്ട്രേലിയക്കായി നേടി. വനിതാ ലീഗില് ചെല്സിക്കായി 58 ഗോളുകള് അടിച്ചു. പരിക്കിനെ തുടര്ന്ന ജനുവരിക്ക് ശേഷം താരം കളത്തിലിറങ്ങിയിട്ടില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates