ന്യൂഡല്‍ഹി: ഏകദിന ലോകകപ്പ് ടീമില്‍ ഇടം നേടാനായില്ലെങ്കിലും രോഹിത് ശര്‍മ്മയില്‍ നിന്ന് മികച്ച പിന്തുണ ലഭിച്ചിരുന്നതായി സഞ്ജു സാംസണ്‍. ഒരു യൂട്യൂബ് ചാനലിന് നല്‍കിയ അഭിമുഖത്തിലാണ് സഞ്ജുവിന്റെ വെളിപ്പെടുത്തല്‍. ഓസ്ട്രേലിയക്കെതിരേ ഇപ്പോള്‍ നടക്കുന്ന അഞ്ചു മല്‍സരങ്ങളുടെ ടി20 പരമ്പരയില്‍ നിന്നും ഒഴിവാക്കപ്പെട്ട സഞ്ജു വിജയ് ഹസാരെ ട്രോഫി ഏകദിന ടൂര്‍ണമെന്റില്‍ കേരള ടീം ക്യാപ്റ്റനാണ്.
ഒരു അഭിമുഖത്തില്‍ സംസാരിക്കവെയായിരുന്നു രോഹിത് തനിക്കു നല്‍കിയിട്ടുള്ള പിന്തുണയെക്കുറിച്ച് സഞ്ജു തുറന്നു പറഞ്ഞത്. എല്ലായ്പ്പോഴും തനിക്കു അടുത്തേക്കു വരികയും കാര്യങ്ങള്‍ തിരക്കുകയും പ്രകടനത്തെ അഭിനന്ദിക്കുകയുമെല്ലാം ചെയ്തിട്ടുള്ളയാളാണ് രോഹിത്തെന്നു സഞ്ജു വ്യക്തമാക്കി. ഇന്ത്യന്‍ പ്രീമിയര്‍ ലീഗിലെ (ഐപിഎല്‍) പ്രകടനത്തെ അഭിനന്ദിച്ച് തന്റെയടുത്തേക്ക് വരികയും സംസാരിക്കുകയും ചെയ്യുന്ന ആദ്യത്തെയോ, രണ്ടാമത്തെയോ വ്യക്തി രോഹിത് ഭായ് ആയിരിക്കുമെന്നും സഞ്ജു പറഞ്ഞു.
''ഹേയ് സഞ്ജു, എന്താക്കെയുണ്ട്? നീ ഐപിഎല്ലില്‍ നന്നായി കളിച്ചു. പക്ഷെ മുംബൈ ഇന്ത്യന്‍സിനെതിരേ ഒരുപാട് സിക്സറുകളടിച്ചു. നീ വളരെ നന്നായി ബാറ്റ് ചെയ്തുവെന്നായിരുന്നു അദ്ദേഹം ഒരിക്കല്‍ പറഞ്ഞത്. തനിക്കു അദ്ദേഹത്തില്‍ നിന്നും ലഭിക്കുന്ന പിന്തുണ വളരെ വലുതാണെന്നും സഞ്ജു പറഞ്ഞു. ലോകകപ്പ് ടീമില്‍ ഇടം നേടാനാകാത്തതില്‍ നിരാശയുണ്ടെങ്കിലും, തനിക്ക് ലഭിച്ച പ്രോത്സാഹനത്തിന് സഞ്ജു നന്ദി അറിയിച്ചു.
താന്‍ ഏറ്റവും നിര്‍ഭാഗ്യവാനായ കളിക്കാരനാണെന്ന വിലയിരുത്തലുകളെയും സഞ്ജു തള്ളി. 'ആളുകള്‍ എന്നെ ഏറ്റവും നിര്‍ഭാഗ്യവാനായ താരം എന്നാണ് വിളിക്കുന്നത്, ഞാന്‍ അങ്ങനെ ഒരിക്കലും കരുതുന്നില്ല. എന്നാല്‍ ഞാന്‍ ഇപ്പോള്‍ എത്തിയിരിക്കുന്നിടത്ത് ഇത് ഞാന്‍ വിചാരിച്ചതിലും വളരെ ദൂരത്തിലാണ്. താന്‍ പ്രതീക്ഷിച്ചതിനേക്കാള്‍ എത്രയോ മുകളിലാണിപ്പോഴെന്നും സഞ്ജു പറഞ്ഞു.
2015ല്‍ അന്താരാഷ്ട്ര ടി20യില്‍ അരങ്ങേറ്റം കുറിച്ച സാംസണ്‍ 24 മത്സരങ്ങളില്‍ നിന്ന് 374 റണ്‍സ് നേടിയിട്ടുണ്ട്. ഏകദിന ഫോര്‍മാറ്റില്‍, 12 ഇന്നിംഗ്സുകളില്‍ നിന്ന് 55.71 ശരാശരിയില്‍ 390 റണ്‍സും അക്കൗണ്ടിലുണ്ട്. ഐപിഎല്ലില്‍ 152 മത്സരങ്ങളും 3888 റണ്‍സും സഞ്ജു നേടിയിട്ടുണ്ട്. ഓഗസ്റ്റ് 20 ന് അയര്‍ലന്‍ഡിനെതിരായ രണ്ടാം ടി 20 മത്സരമായിരുന്നു ബാറ്ററുടെ അവസാന അന്താരാഷ്ട്ര മത്സരം. മത്സരത്തില്‍ 26 പന്തില്‍ നിന്ന് 40 റണ്‍സ് സഞ്ജു നേടിയിരുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates