ന്യൂഡല്ഹി: വെസ്റ്റ് ഇന്ഡീസിനെതിരായ രണ്ടാം ക്രിക്കറ്റ് ടെസ്റ്റില് യശസ്വി ജയ്സ്വാളിനു പിന്നാലെ സെഞ്ച്വറി തൂക്കി ക്യാപ്റ്റന് ശുഭ്മാന് ഗില്. ടെസ്റ്റ് നായകനായ ശേഷം താരം ഇന്ത്യന് മണ്ണില് നേടുന്ന ആദ്യ സെഞ്ച്വറി കൂടിയാണിത്. ടെസ്റ്റ് കരിയറിലെ ഗില്ലിന്റെ പത്താം ശതകമാണ് ഡല്ഹിയില് പിറന്നത്. 13 ഫോറുകളും ഒരു സിക്സും സഹിതം ഗില് 177 പന്തില് 102 റണ്സെടുത്തു. ക്യാപ്റ്റനായ ശേഷം അഞ്ചാം തവണയാണ് താരം മൂന്നക്കം താണ്ടുന്നത്.
ബാറ്റിങ് തുടരുന്ന ഇന്ത്യ 4 വിക്കറ്റ് നഷ്ടത്തില് 513 റണ്സെന്ന ശക്തമായ നിലയിലാണ്. നിലവിൽ ഗിൽ 125 റൺസുമായി ബാറ്റിങ് തുടരുന്നു. കഴിഞ്ഞ കളിയില് കന്നി ടെസ്റ്റ് സെഞ്ച്വറി നേടിയ ധ്രുവ് ജുറേലാണ് ക്യാപ്റ്റനൊപ്പമുള്ളത്. താരം അർധ സെഞ്ച്വറി വക്കിൽ (43).
രണ്ടാം ദിനമായ ഇന്ന് ഇന്ത്യക്ക് 2 വിക്കറ്റുകള് കൂടി നഷ്ടമായി. 2 വിക്കറ്റ് നഷ്ടത്തില് 318 റണ്സെന്ന നിലയില് രണ്ടാം ദിനം തുടങ്ങിയ ഇന്ത്യക്ക് ഇന്ന് യശസ്വി ജയ്സ്വാള്, നിതീഷ് കുമാര് റെഡ്ഡി എന്നിവരുടെ വിക്കറ്റുകളാണ് നഷ്ടമായത്.
ഓപ്പണര് യശസ്വി ജയ്സ്വാള് ഇരട്ട ശതകത്തിലെത്തും മുന്പ് മടങ്ങി. ഇന്നലത്തെ സ്കോറിനോട് 2 റണ്സ് ചേര്ത്ത് താരം 175 റണ്സുമായി പുറത്തായി. 22 ഫോറുകള് സഹിതമാണ് താരം 175ല് എത്തിയത്. റണ്ണൗട്ടായാണ് ഇന്ത്യന് യുവ ഓപ്പണറുടെ മടക്കം.
പിന്നീട് ഗില്ലിനൊപ്പം ക്രീസില് ഒന്നിച്ച നിതീഷ് കുമാറും മികച്ച ബാറ്റിങ് പുറത്തെടുത്തു. താരത്തിനു അര്ഹിച്ച അര്ധ സെഞ്ച്വറിയാണ് നഷ്ടമായത്. നിതീഷ് 4 ഫോറും 2 സിക്സും സഹിതം 43 റണ്സുമായി മടങ്ങി.
ഗില് 11 ഫോറും ഒരു സിക്സും സഹിതം 74 റണ്സുമായി ക്രീസില് നില്ക്കുന്നു. ഒപ്പം 6 റണ്സുമായി ധ്രുവ് ജുറേലാണ് ക്രീസില്.
ഓപ്പണര് കെഎല് രാഹുല് (38), സായ് സുദര്ശന് (87) എന്നിവരാണ് ആദ്യ ദിവസം പുറത്തായത്. ഇന്ത്യക്കു നഷ്ടമായ നാലില് മൂന്ന് വിക്കറ്റുകളും ജോമല് വാറിക്കനാണ് സ്വന്തമാക്കിയത്.
ടെസ്റ്റ് കരിയറിലെ ഏഴാം സെഞ്ച്വറിയാണ് യശസ്വി അരുണ് ജെയ്റ്റ്ലി സ്റ്റേഡിയത്തില് കുറിച്ചത്. 145 പന്തുകള് നേരിട്ട് 16 ഫോറുകളുടെ അകമ്പടിയിലാണ് താരം ശതകം തൊട്ടത്.
ഫോമിലെത്തിയില്ലെങ്കില് ടീമിലെ സ്ഥാനം ചോദ്യ ചിഹ്നത്തില് നില്ക്കെയാണ് സായ് മികവിലേക്കുയര്ന്നത്. കന്നി ടെസ്റ്റ് സെഞ്ച്വറി 13 റണ്സ് അകലെ നഷ്ടമായതാണ് താരത്തെ നിരാശപ്പെടുത്തിയത്. 165 പന്തുകള് നേരിട്ട് 12 ഫോറുകള് സഹിതം താരം 87 റണ്സുമായി മടങ്ങി. രണ്ടാം വിക്കറ്റില് യശസ്വി- സായ് സഖ്യം 193 റണ്സ് ബോര്ഡില് ചേര്ത്താണ് പിരിഞ്ഞത്.
ടോസ് നേടി ഇന്ത്യ ബാറ്റിങെടുക്കുകയായിരുന്നു. ടെസ്റ്റ് ക്യാപ്റ്റനായി വന്ന ശേഷം ആദ്യമായാണ് ഗില് ടോസ് ജയിക്കുന്നത്. ഇംഗ്ലണ്ട് പര്യടനത്തിലെ അഞ്ച് കളികളിലും ഗില്ലിനു ടോസ് നഷ്ടമായിരുന്നു. പിന്നാലെ ഈ പരമ്പരയിലെ ആദ്യ മത്സരത്തിലും ടോസ് കിട്ടിയില്ല. ആറ് മത്സരങ്ങള്ക്കു ശേഷമാണ് ആദ്യമായി ഗില് ടോസ് ജയിക്കുന്നത്.
ഇന്ത്യയ്ക്ക് ഓപ്പണര് കെഎല് രാഹുലിനെയാണ് ആദ്യം നഷ്ടമായത്. താരം 54 പന്തില് 5 ഫോറും ഒരു സിക്സും സഹിതം 38 റണ്സുമായി മടങ്ങി. ജോമല് വാറിക്കന്റെ പന്തില് വിക്കറ്റ് കീപ്പര് ടെവിന് ഇംമ്ലാചാണ് താരത്തെ പുറത്താക്കിയത്. കരുതലോടെയാണ് ഇന്ത്യന് ഓപ്പണര്മാര് തുടങ്ങിയത്. സ്കോര് 58ല് എത്തിയപ്പോഴാണ് ആദ്യ വിക്കറ്റ് നഷ്ടമായത്. രണ്ടാം വിക്കറ്റ് കിട്ടാന് വിന്ഡീസിനു 251 റണ്സ് വരെ കാക്കേണ്ടി വന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates