മുംബൈ: വനിതാ ടി20യില് ലോക റെക്കോര്ഡുമായി ഇന്ത്യയുടെ സ്മൃതി മന്ധാന. വെസ്റ്റ് ഇന്ഡീസിനെതിരായ രണ്ടാം ടി20യില് 29-ാം അര്ധസെഞ്ച്വറി നേടിയതോടെയാണ് താരം ചരിത്രം കുറിച്ചത്.
അര്ധസെഞ്ച്വറിയോടെ മന്ധാന വനിതാ ടി20യില് ഏറ്റവും കൂടുതല് അര്ധസെഞ്ച്വറി നേടിയ ന്യൂസിലന്ഡ് ഇതിഹാസം സൂസി ബേറ്റ്സിനെ (28) മറികടന്നു. വനിതാ ടി20യില് ഏറ്റവും കൂടുതല് റണ്സ് നേടിയ രണ്ടാമത്തെ താരമാണ് മന്ധാന- 3,684 റണ്സ്. 141 ഇന്നിങ്സുകളില് നിന്നാണ് താരത്തിന്റെ നേട്ടം. ലിസ്റ്റില് സൂസി ബേറ്റ്സ് ആണ് ഒന്നാം സ്ഥാനത്ത്. 168 ഇന്നിങ്സില് നിന്ന് 4,584 റണ്സാണ് താരത്തിന്റെ നേട്ടം.
മത്സരത്തില് ഇന്ത്യ ഉയര്ത്തിയ 160 റണ്സ് വിജയലക്ഷ്യം പിന്തുടര്ന്ന വെസ്റ്റ് ഇന്ഡീസ് 15.4 ഓവറില് ഓവറില് വിജയം കണ്ടു. ഒമ്പത് വിക്കറ്റിനാണ് ജയം. ഇതോടെ പരമ്പരയില് ഓരോ ജയം വീതം ഇരുടീമുകളും സ്വന്തമാക്കി.
നേരത്തെ, ടോസ് നഷ്ടപ്പെട്ട് ബാറ്റിങിനെത്തിയ ഇന്ത്യ, ക്യാപ്റ്റന് സ്മൃതി മന്ധാനയുടെ മികച്ച ഇന്നിങ്സില്(41 പന്തില് നിന്ന് 62 റണ്സ്) റണ്ബലത്തില് നിശ്ചിത 20 ഓവറില് ഒമ്പത് വിക്കറ്റ് നഷ്ടത്തില് 159 റണ്സാണ് എടുത്തത്.
മറുപടി ബാറ്റിങ്ങില് വീന്ഡിസിന് ക്വിയന ജോസഫും ഹെയ്ലിയും ചേര്ന്ന് മികച്ച തുടക്കം നല്കി. 22 പന്തില് നിന്ന് 38 റണ്സാണ് ക്വിയന ജോസഫ് എടുത്തത്. ഇരുവരും ഒന്നാം വിക്കറ്റില് 66 റണ്സ് അടിച്ചെടുത്തു. എന്നാല് ഏഴാം ക്വിയന ജോസഫ് ജോസഫിനെ സൈമ താക്കൂര് പുറത്താക്കി. പിന്നീട് വിന്ഡീസിന് വിക്കറ്റുകളൊന്നും നഷ്ടമായില്ല. ഷെമെയ്ന് കാംപെല്ലിനെ കൂട്ടുപിടിച്ച് ഹെയ്ലി വിന്ഡീസിനെ വിജയത്തിലേക്ക് നയിച്ചു. 17 ഫോറുകള് ഉള്പ്പെടെ 47 പന്തില് 85 റണ്സ് ഹെയ്ലി നേടി. നാല് ഫോറുകള് ഉള്പ്പെടെ 26 പന്തില് നിന്ന് 29 റണ്സാണ് ഷെമെയ്ന് നേടിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates