അബുദാബി:  മത്സരത്തിനിടെ സഹതാരവുമായി കൂട്ടിയിടിച്ചു പരുക്കേറ്റ ദക്ഷിണാഫ്രിക്കൻ ക്രിക്കറ്റ് താരം ഫാഫ് ഡുപ്ലെസി ആശുപത്രി വിട്ടു. അബുദാബിയിൽ നടന്ന പാക്കിസ്ഥാൻ സൂപ്പർ ലീഗ് ട്വന്റി-20 ക്രിക്കറ്റ് മത്സരത്തിനിടെയായിരുന്നു സംഭവം. തലയ്ക്കു ക്ഷതമേറ്റിട്ടുണ്ടെന്നും പരുക്ക് ഭേദമായി വേഗം കളത്തിൽ തിരിച്ചെത്താനാകുമെന്നാണ് പ്രതീക്ഷയെന്നും ഡുപ്ലെസി പറഞ്ഞു. 

ക്വറ്റ ഗ്ലാഡിയേറ്റേഴ്സ് താരമായ ഡുപ്ലെസി ഡൈവ് ചെയ്ത് ബൗണ്ടറി തടയുന്നതിനിടെ സഹതാരം മുഹമ്മദ് ഹസ്‌നൈന്റെ കാലില്‍ തല ശക്തിമായി ഇടിക്കുകയായിരുന്നു. പെഷവാര്‍ സാല്‍മിയും ക്വെറ്റ ഗ്ലാഡിയേറ്റേഴ്‌സും തമ്മിലായിരുന്നു മത്സരം.