ചണ്ഡീഗഢ്: ഇന്ത്യക്കെതിരായ രണ്ടാം ടി20യില് കൂറ്റന് സ്കോറുയര്ത്തി ദക്ഷിണാഫ്രിക്ക. ആദ്യം ബാറ്റ് ചെയ്ത ദക്ഷിണാഫ്രിക്ക നിശ്ചിത ഓവറില് 4 വിക്കറ്റ് നഷ്ടത്തില് 213 റണ്സ് അടിച്ചെടുത്തു. ക്വിന്റൻ ഡി കോക്കിന്റെ അർധ സെഞ്ച്വറിയാണ് ദക്ഷിണാഫ്രിക്കയ്ക്ക് മികച്ച സ്കോർ സമ്മാനിച്ചത്.
അന്താരാഷ്ട്ര ക്രിക്കറ്റിലേക്ക് മടങ്ങിയെത്തിയ ക്വിന്റന് ഡി കോക്ക് ഏകദിനത്തില് ഇന്ത്യയ്ക്കെതിരെ സെഞ്ച്വറി നേടിയിരുന്നു. പിന്നാലെ ഇപ്പോള് രണ്ടാം ടി20യില് താരം 90 റണ്സിലും എത്തി. ഓപ്പണറായി ഇറങ്ങിയ ഡി കോക്ക് 46 പന്തില് 7 സിക്സും 5 ഫോറും സഹിതമാണ് 90ല് എത്തിയത്. സെഞ്ച്വറിയിലേക്ക് കുതിച്ച പ്രോട്ടീസ് ഓപ്പണര് റണ്ണൗട്ടായി മടങ്ങുകയായിരുന്നു.
പിന്നീടെത്തിയവരില് ഡോണോവന് ഫെരെയ്രയും ഡേവിഡ് മില്ലറും ചേര്ന്നാണ് സ്കോര് 200 കടത്തിയത്. ഡോണോവന് 16 പന്തില് 3 സിക്സും ഒരു ഫോറും സഹിതം 30 റണ്സെടുത്തു നോട്ടൗട്ടായി ക്രീസില് തുടര്ന്നു. മില്ലര് 12 പന്തില് 1 സിക്സും 2 ഫോറും സഹിതം 20 റണ്സെടുത്തും പുറത്താകാതെ നിന്നു.
ക്യാപ്റ്റന് എയ്ഡന് മാര്ക്രവും ബോര്ഡിലേക്ക് നിര്ണായക സംഭാവന നല്കി. താരം 2 സിക്സും ഒരു ഫോറും സഹിതം 29 റണ്സ് അടിച്ചു. ഡെവാള്ഡ് ബ്രവിസ് കനത്ത അടികളുമായി തുടങ്ങിയെങ്കിലും അധികം നീണ്ടില്ല. താരംഒരു സിക്സും ഫോറും സഹിതം 14 റണ്സെടുത്ത് ഔട്ടായി. റീസ ഹെന്ഡ്രിക്സാണ് പുറത്തായ മറ്റൊരു താരം. 8 റണ്സ് മാത്രമാണ് സംഭാവന.
ഇന്ത്യയ്ക്കായി പന്തെറിഞ്ഞ വരുണ് ചക്രവര്ത്തി ഒഴികെയുള്ളവര് തല്ല് വാങ്ങി. വരുണ് 4 ഓവറില് 29 റണ്സ് വഴങ്ങി 2 വിക്കറ്റെടുത്തു. അക്ഷര് പട്ടേലിനാണ് ഒരു വിക്കറ്റ്. അര്ഷ്ദീപ് സിങിനാണ് തല്ല് കൂടുതല് കിട്ടിയത്. താരത്തിന്റെ 4 ഓവറില് നിന്നു ദക്ഷിണാഫ്രിക്കന് ബാറ്റര്മാര് 54 റണ്സ് വാരി. ജസ്പ്രിത് ബുംറയുടെ 4 ഓവറില് 45 റണ്സും അടിച്ചെടുത്തു.
south africa vs india: Poor bowling from Jasprit Bumrah and Arshdeep Singh has handed the momentum back to South Africans.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates