പുനെ: ഐപിഎല്ലില്‍ മുംബൈ ഇന്ത്യന്‍സിനെതിരെ കൊല്‍ക്കത്ത നൈറ്റ് റൈഡേഴ്‌സിന് 162 റണ്‍സ് വിജയലക്ഷ്യം. സൂര്യകുമാര്‍ യാദവിന്റെ അര്‍ധ സെഞ്ചുറിയുടെ ബലത്തിലാണ് മുംബൈ ഇന്ത്യന്‍സ് ഭേദപ്പെട്ട സ്‌കോറിലെത്തിയത്. 36 പന്തില്‍ 52 റണ്‍സാണ് സൂര്യകുമാര്‍ യാദവ് നേടിയത്.
തുടക്കത്തില്‍ തന്നെ ക്യാപ്റ്റന്‍ രോഹിത് ശര്‍മ്മയെ മുംബൈ ഇന്ത്യന്‍സിന് നഷ്ടമായി. തുടര്‍ന്ന് ഇഷാന്‍ കിഷനും ഡെവാള്‍ഡ് ബ്രെവിസും ചേര്‍ന്ന് ടീമിനെ കരകയറ്റാന്‍ ശ്രമിച്ചുവെങ്കിലും ഇഷാന്‍ കിഷനെ കമ്മിന്‍സ് പുറത്താക്കി. നാലാമനായി ക്രീസില്‍ എത്തിയ സൂര്യകുമാര്‍ യാദവും തിലക് വര്‍മ്മയും കീറോണ്‍ പൊള്ളാര്‍ഡും ചേര്‍ന്നാണ് ടീമിനെ ഭേദപ്പെട്ട സ്‌കോറിലെത്തിച്ചത്.
തിലക് വര്‍മ്മയും കീറോണ്‍ പൊള്ളാര്‍ഡും അവസാന ഓവറുകളില്‍ വെടിക്കെട്ട് ബാറ്റിങ് നടത്തിയപ്പോള്‍ ടീം സ്‌കോര്‍ 150 കടന്നു. കൊല്‍ക്കത്തയ്ക്ക് വേണ്ടി പാറ്റ് കമ്മിന്‍സ് രണ്ടു വിക്കറ്റ് നേടി. ഉമേഷ് യാദവും വരുണ്‍ ചക്രവര്‍ത്തിയും ഓരോരോ വിക്കറ്റുകള്‍ വീതം നേടി
ഈ വാര്‍ത്ത വായിക്കാം
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates