കൊളംബോ: ടി20 ലോകകപ്പില് ആദ്യ ഓവര് എറിയാനെത്തിയ പാകിസ്ഥാന് നായകന് സല്മാന് ആഘ ഇന്ത്യയെ ഞെട്ടിച്ചു. പാകിസ്ഥാന് നടപ്പാക്കിയ തന്ത്രം തുടക്കം തന്നെ ഫലിച്ചു. അപകടകാരിയായ ഇന്ത്യന് ഓപ്പണര് അഭിഷേക് ശര്മയെ ആഘ മടക്കി ഇന്ത്യയെ ഞെട്ടിച്ചു. ആദ്യ ഓവറിലെ അവസാന പന്തില് ഷഹീന് അഫ്രീദിക്ക് ക്യാച്ച് നല്കിയാണ് അഭിഷേകിന്റെ പുറത്താകല്. താരം റണ്ണൊന്നുമെടുക്കാതെ മടങ്ങി.
ടോസ് നേടി പാകിസ്ഥാന് ഇന്ത്യയെ ബാറ്റിങിനയക്കുകയായിരുന്നു. അഭിഷേക് ശര്മ ഇലവനില് തിരിച്ചെത്തി. സഞ്ജു സാംസണ് പ്ലെയിങ് ഇലവനില് നിന്നു പുറത്തായി. അഭിഷേകിനൊപ്പം സ്പിന്നര് കുല്ദീപ് യാദവിനേയും ഇന്ത്യ ഇലവനില് ഉള്പ്പെടുത്തി. അര്ഷ്ദീപ് സിങിനെ ഒഴിവാക്കിയാണ് ഇന്ത്യ മൂന്ന് സ്പിന്നര്മാരെ ഉള്പ്പെടുത്തിയത്.
ഇന്ത്യ ഇലവന്: സൂര്യകുമാര് യാദവ് (ക്യാപ്റ്റന്), അഭിഷേക് ശര്മ, ഇഷാന് കിഷന്, തിലക് വര്മ, ഹര്ദിക് പാണ്ഡ്യ, ശിവം ദുബെ, റിങ്കു സിങ്, അക്ഷര് പട്ടേല്, കുല്ദീപ് യാദവ്, വരുണ് ചക്രവര്ത്തി, ജസ്പ്രിത് ബുംറ.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates