ബ്രിസ്‌ബെയ്ന്‍: 2020ലെ താളം തെറ്റലുകള്‍ വര്‍ഷാവസാനവും ഇല്ലാതാവുന്നില്ല. 2020 എങ്ങനെയായിരുന്നോ അതുപോലൊരു അസാധാരണ ഡെലിവറിയാണ് ബിഗ് ബാഷ് ലീഗില്‍ കഴിഞ്ഞ ദിവസം ബൗളറില്‍ നിന്ന് വന്നത്. പന്ത് പിച്ച് ചെയ്തത് പിച്ചിന് പുറത്ത്. 

ഹൊബാര്‍ട്ട് ഹറികെയ്ന്‍സും ബ്രിസ്‌ബെയ്ന്‍ ഹീറ്റും തമ്മിലുള്ള മത്സരത്തിന് ഇടയിലായിരുന്നു സംഭവം. ബ്രിസ്‌ബെയ്ന്‍ ഹീറ്റിന്റെ ബൗളറായ ലൂയിസ് ഗ്രിഗറിയില്‍ നിന്നാണ് വിചിത്ര ഡെലിവറി എത്തിയത്. ഈ സീസണിലെ ഏറ്റവും ശ്രദ്ധേയമായ ഡെലിവറി എന്നാണ് ഗ്രിഗറിയുടെ ഡെലിവറി കണ്ട് കമന്റേറ്റര്‍മാര്‍ പറഞ്ഞത്. 

ഗ്രീഗറിയുടെ കാല് സ്ലിപ്പാവുകയും, പന്തിലുള്ള നിയന്ത്രണം ബൗളര്‍ക്ക് നഷ്ടമാവുകയും ചെയ്തു. അമ്പയര്‍ ആ ഡെലിവറിയില്‍ നോബോള്‍ വിളിച്ചു. പിന്നാലെ കിട്ടിയ ഫ്രീ ഹിറ്റില്‍ ഡേവിഡ് ഗാലറിയിലേക്ക് നിലം തൊടീക്കാതെ പറത്തി.